LIVE TV
ବାଲେଶ୍ୱର ଦୁର୍ଗା ପୂଜା ଭସାଣ ବେଳେ ପୋଲିସର ଲାଠି ଚାର୍ଜ । ଜବାବରେ ଲୋକେ ପୋଲିସ ଉପରକୁ ଟେକା ମାଡ଼ କରିଥିବାର ଅଭିଯୋଗ ହୋଇଛି । ଗତ ରାତିରେ ଏହି ଘଟଣା ଘଟିଥିଲା । ଦୁର୍ଗାପୂଜା ଭସାଣ ଚାଲିଥିଲ ।
କିନ୍ତୁ ରାତି ଗୋଟାଏ ସୁଦ୍ଧା ମଧ୍ୟ ଏହା ସରିନଥିଲା କି ଡିଜେ ବନ୍ଦ କରାଯାଇନଥିଲା । ଡିଜେ ବନ୍ଦ କରିବାକୁ ପୋଲିସ ପକ୍ଷରୁ ବାରମ୍ବାର କୁହାଯିବା ସତ୍ତ୍ୱେ ଏହା ବନ୍ଦ ହୋଇନଥିଲା । ତେଣୁ ଏସପି ସାଗରିକା ନାଥଙ୍କ ନିର୍ଦ୍ଦେଶରେ ଲାଠି ଚାର୍ଜ କରାଯାଇଥିବା ଜଣାପଡ଼ିଛି ।
Also Read
ସେପଟେ ରାଜଧାନୀ ଭୁବନେଶ୍ୱରରେ ଭସାଣ ସମୟରେ ବୁଲିଲା ଖଣ୍ଡା । ଆକ୍ରମଣରେ ୨ ଜଣ ଆହତ ହୋଇଛନ୍ତି । ଭୁବନେଶ୍ୱର ରସୁଲଗଡ ପୂଜା ମଣ୍ଡପ ପକ୍ଷରୁ ଭସାଣି ଶୋଭାଯାତ୍ରା ସମୟରେ ଏମିତି ଘଟଣା ଘଟିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ପୋଲିସ ଉପସ୍ଥିତିରେ ଏଭଳି ଘଟଣା ଘଟିଛି ।
ଆକ୍ରମଣର ଶିକାର ହୋଇଥିବା ଲୋକେ ମଞ୍ଚେଶ୍ୱର ଥାନାରେ ଅଭିଯୋଗ ପରେ ପୋଲିସ ଏତଲା ଗ୍ରହଣ କରିନଥିବା ଅଭିଯୋଗ ହୋଇଛି । ଯାହାକୁ ନେଇ ପ୍ରବଳ ଉତ୍ତେଜନା ପ୍ରକାଶ ପାଇଛି ।
- Reported by:
- RASHMIRANJAN DAS
