ପୁଣି ରାଜଧାନୀରେ ଶିଶୁ ଚୋରି, ଚନ୍ଦ୍ରଶେଖରପୁରରୁ ଧରିଲା ପୋଲିସ

ପୁଣି ରାଜଧାନୀରେ ଚକୋଲଟ୍ ଦେଇ ଶିଶୁକୁ ଅପହରଣ ଅଭିଯୋଗ । ଅପହରଣ ପରେ ଶିଶୁକୁ ବିକ୍ରି ପାଇଁ ଉଦ୍ୟମ କରୁଥିବା ଜଣେ ଅଭିଯୁକ୍ତକୁ ଗିରଫ କରିଛି କମିଶନରେଟ୍ ପୋଲିସ । ଇନଫୋସିଟି ଥାନା ଶିଖରଚଣ୍ଡୀ ବସ୍ତିର ନାବାଳିକା ଜଣଙ୍କ ୫ଦିନ ତଳେ ନିଖୋଜ ହୋଇଯାଇଥିଲେ । ବହୁ ଖୋଜା ଖୋଜି ପରେ କିଛି ସୂଚନା ନ ମିଳିବାରୁ ପରିବାର ଲୋକ ଥାନାରେ ଅଭିଯୋଗ କରିଥିଲେ ।

ଚନ୍ଦ୍ରଶେଖରପୁର ଅଂଚଳରେ ନିଖୋଜ ନାବାଳିକାଙ୍କୁ ଧରି ଜଣେ ବୁଲୁଥିବା ଦେଖି ସ୍ଥାନୀୟ ଲୋକ ପୋଲିସକୁୁ ଖବର ଦେଇଥିଲେ । ଏହାପରେ ନାବାଳିକାଙ୍କୁ ଉଦ୍ଧାର କରାଯାଇଥିଲା । ଅଭିଯୁକ୍ତଙ୍କୁ ପଚରାଉଚରା ପରେ, ସେ ପିଲାକୁ ଚୋରି ପରେ ବିକ୍ରି କରିବାକୁ ଯୋଜନା କରିଥିବା କମିଶନରେଟ ପୋଲିସ ସୂଚନା ଦେଇଛି ।

ତେବେ ସେ କାହାକୁ ପିଲାଟିକୁ ବିକ୍ରି କରିଥାନ୍ତା, ଏଥିନିମନ୍ତେ କାହା ସହ ଯୋଗାଯୋଗ କରିଥିଲା, ଅଭିଯୁକ୍ତ ଜଣକ ପୂର୍ବରୁ ଏପରି ଘଟଣା ଘଟାଇଥିଲା, ନା ଏହା ପ୍ରଥମ । ସେ ସମ୍ପର୍କରେ ଖୋଳତାଡ଼ ଜାରି ରଖିଛି ପୋଲିସ୍‌ ।