କ୍ୟାବ୍ ଭିତରେ ନାବାଳିକାକୁ ପର୍ଣ୍ଣ ଭିଡିଓ ଦେଖାଇଲା ଡ୍ରାଇଭର, ତା’ପରେ...

ଦିନକୁ ଦିନ ବଢ଼ୁଛି ନାବାଳିକାଙ୍କ ପ୍ରତି ନିର୍ଯାତନା । ପ୍ରତ୍ୟେକ ଦିନ କେଉଁଠି ନା କେଉଁଠି ଦୁଷ୍କର୍ମ ଓ ହତ୍ୟାପରି ଅଭିଯୋଗ ସାମ୍ନାକୁ ଆସୁଛି । କେଉଁଠି ଦୁଷ୍କର୍ମ ପରେ ହତ୍ୟା ତ କେଉଁଠି ନାବାଳିକାଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଛି । ଏପରି ସମୟରେ ପୁଣି ଜଣେ ନାବାଳିକାଙ୍କୁ ନେଇ ରୋଚକ ଘଟଣା ନଜରକୁ ଆସିଛି ।

ଜଣେ ସ୍କୁଲ ଛାତ୍ରୀଙ୍କୁ ପର୍ଣ୍ଣ ଭିଡିଓ ଦେଖାଇ ଜଣେ କ୍ୟାବ୍‌ ଡ୍ରାଇଭର ଗିରଫ ହୋଇଛନ୍ତି । ଅଭିଯୋଗ ଅନୁଯାୟୀ, ନାବାଳିକାଙ୍କୁ ଜଣେ କ୍ୟାବ୍‌ ଡ୍ରାଇଭର ପର୍ଣ୍ଣ ଭିଡିଓ ଦେଖାଇଲେ । ୧୫ ବର୍ଷିୟ ନାବାଳିକାଙ୍କୁ ଜଣେ କ୍ୟାବ୍‌ ଡ୍ରାଇଭର ଅଶ୍ଳୀଳ ଭିଡିଓ ଦେଖାଇଥିବା ନେଇ ଥାନାରେ ଅଭିଯୋଗ ହୋଇଛି । ପୋଲିସ ଅଭିଯୁକ୍ତ ଡ୍ରାଇଭରକୁ ପୋଲିସ ଗିରଫ କରିଛି ।

ଅଧିକ ପଢ଼ନ୍ତୁ: ପର୍ଣ୍ଣ ଦେଖିବା ପରେ ୭ ବର୍ଷର ଶିଶୁକୁ ଦୁଷ୍କର୍ମ କଲା ୧୦ ବର୍ଷର ବାଳକ !

ସୂଚନା ଅନୁଯାୟୀ ଘଟଣାଟି ଚେନ୍ନାଇର ହସ୍ତିନାପୁରମରେ ଘଟିଛି । ଜଣେ ୨୫ ବର୍ଷିୟ କ୍ୟାବ ଡ୍ରାଇଭର ଏକ ସ୍କୁଲ ନିକଟରେ ତାଙ୍କ ଗାଡ଼ିକୁ ଅଟକାଇଥିଲେ । ଗାଡ଼ି ଅଟକାଇ ଜଣେ ୧୫ ବର୍ଷିୟ ନାବାଳିକାଙ୍କୁ ତାଙ୍କ ଗାଡ଼ିରେ ଘରେ ଛାଡ଼ି ଦେବା କହି ନେଇଥିଲେ । ପରେ ପରେ ଗାଡ଼ିରେ ଛାତ୍ରୀ ଜଣଙ୍କୁ ଅଶ୍ଳୀଳ ଭିଡିଓ ଦେଖାଇଥିବା ନାବାଳିକା ଜଣକ କହିଛନ୍ତି । ରୁଟ୍ ଦେଖେଇବା ବାହାନାରେ ସେ ଏଭଳି କାର୍ଯ୍ୟ କରିଥିବା ଜଣାପଡ଼ିଛି। 

ପରେ ଘଟଣାକୁ ନେଇ ଥାନାରେ ଅଭିଯୋଗ କରାଯାଇଥିଲା । ଅଭିଯୋଗ ଆଧାରରେ ପୁଲିସ କ୍ୟାବ୍‌ ଡ୍ରାଇଭରକୁ ଅଟକ ରଖିଥିଲା । ଅଟକରଖି ଅଭିଯୁକ୍ତ ଡ୍ରାଇଭର ସୂର୍ଯ୍ୟକୁ ପଚରାଉଚରା କରିଥିଲା ପୁଲିସ । ପରେ ଡ୍ରାଇଭର ଜଣକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।