ଦୁଇ ଦିନ ପରେ ମିଳିଲା ଦୁଇ ଛାତ୍ରଙ୍କ ମୃତଦେହ, ଖୋଳତାଡ଼ କରୁଛି ପୋଲିସ

ନିଖୋଜ ହେବାର ଦୁଇ ଦିନ ପରେ ମିଳିଲା ଛାତ୍ରଙ୍କ ମୃତଦେହ। ଯାଜପୁର ଧର୍ମଶାଳା ଥାନା ଅଭୟପୁର ଗାଁର ଯୁକ୍ତ ଦୁଇ ଛାତ୍ରଙ୍କ ମୃତଦେହ ଆଜି ନାଳରୁ ଉଦ୍ଧାର ହୋଇଛି। ଘଟଣାସ୍ଥଳରେ ପହଞ୍ଚି ଖୋଳତାଡ କରୁଛି ପୋଲିସ। ମୃତକ ହେଲେ ଅଭୟପୁର ଗାଁର ନରହରି ବେହେରାଙ୍କ ପୁଅ ରୁଦ୍ର ପ୍ରସାଦ ବେହେରା। ଗତ ୩ ତାରିଖରୁ ନିଖୋଜ ଥିଲେ। ଏନେଇ ଧର୍ମଶାଳା ଥାନାରେ ଲିଖିତ ଅଭିଯୋଗ କରିଥିଲେ ପରିବାର ଲୋକ।

ଆଜି ରୁଦ୍ରଙ୍କ ମୃତଦେହ ରଥିଆ ଗାଁ ନିକଟ ଏକ କେନାଲରେ ଭାସୁଥିଲା। ପରିବାର ଲୋକ ପହଞ୍ଚି ମୃତଦେହକୁ ଚିହ୍ନଟ କରିଥିଲେ।  ମୃତଦେହ ମିଳିବା ପରେ ହତ୍ୟା ଅଭିଯୋଗ ଆଣିଛନ୍ତି ପରିବାର ଲୋକେ। ତେବେ କିଏ ଓ କାହିଁକି ତାଙ୍କୁ ହତ୍ୟା କଲା ? ଅଧିକ ତଦନ୍ତ କରୁଛଇ ଧର୍ମଶାଳା ଥାନା ପୋଲିସ। ...