ବ୍ଳକ କାର୍ଯ୍ୟାଳୟରେ ହାଇଡ୍ରାମା ! ସ୍ତ୍ରୀ-ପିଲାଙ୍କୁ ଧରି ବିଡିଓ ଅଫିସରେ ଆତ୍ମହତ୍ୟା ଧମକ

ପିଏମ୍ ଆବାସ ଟଙ୍କା ନମିଳିବାରୁ ହାଇଡ୍ରାମା । ସ୍ତ୍ରୀ, ପିଲାଙ୍କୁ ଧରି ବିଡିଓ ଅଫିସରେ ଆତ୍ମହତ୍ୟା ଉଦ୍ୟମ । ଏଭଳି କିଛି ଘଟଣା ଦେଖିବାକୁ ମିଳିଛି, ବଲାଙ୍ଗିର ପୁଇଁତଳା ବ୍ଳକ କାର୍ଯ୍ୟାଳୟରେ । ମିଳିଥିବା ସୂଚନା ମୁତାବକ, ସ୍ଥାନୀୟ କୁଟେନପାଲି ଅଞ୍ଚଳର ସୀତାରାମ ବେହେରା ଅବାସ ଘର ତିଆରି କରିଥିଲେ । ଏନେଇ ପ୍ରଶାସନ ତରଫରୁ ତାଙ୍କୁ ଟଙ୍କା ମିଳିନଥିବା ସେ ଅଭିଯୋଗ କରିଛନ୍ତି । ବାରମ୍ବାର ଏନେଇ ଅଭିଯୋଗ କରିବା ପରେ ବି କେହି ଶୁଣିନଥିଲେ ।

ଶେଷରେ ପୁଇଁତଲା ବିଡିଓ ଅଫିସ୍ ଭିତରେ ନିଜକୁ ଲକ୍ କରି ଆତ୍ମହତ୍ୟା ଉଦ୍ୟମ କରିଥିଲେ । ପରିସ୍ଥିତି ଏମିତି ହୋଇଥିଲା କି, ସ୍ତ୍ରୀ, ପିଲାଙ୍କୁ ଧରି ନିଜେ ସୀତାରାମ ଅଫିସ୍ ଭିତରେ କବାଟ ବନ୍ଦ କରି ବାହାରେ ଥିବା ପୋଲିସକୁ ଆତ୍ମହତ୍ୟା ପାଇଁ ଧମକ ଦେଇଥିଲେ । ବେଶ୍ କିଛି ସମୟ ବିଡିଓ ଅଫିସରେ ଏକ ଅପ୍ରିତିକର ପରିସ୍ଥିତି ସୃଷ୍ଟି ହୋଇଥିଲା । ପ୍ରାୟ ୩୦ ମିନିଟ୍ ପରେ ବିଷ ବୋତଲ ସହ ତାଙ୍କୁ ଉଦ୍ଧାର କରିଥିଲା ପୋଲିସ । ଏନେଇ ପୁଇଁତଲା ବିଡିଓ କିମ୍ବା ଜିଲ୍ଲା ପ୍ରଶାସନର ପ୍ରତିକ୍ରିୟା ମିଳିପାରିନି ।