LIVE TV
ବାରଗର୍ଲଙ୍କ ମୁହଁରେ ନିର୍ଯାତନାର କାହାଣୀ । ବାରରେ ଡ୍ୟାନ୍ସ ନୁହେଁ ବରଂ ଖରାପ କାର୍ଯ୍ୟ କରିବାକୁ ବାଧ୍ୟ କରାଯାଉଛି । ପ୍ରତିବାଦ କଲେ ପାଉଣା ଦିଆଯାଉନଥିବା ଅଭିଯୋଗ କରିଛନ୍ତି ରାଜଧାନୀ ଭୁବନେଶ୍ୱରର କିଛି ବାର ଗର୍ଲ । ଏନେଇ କ୍ୟାପିଟାଲ ଥାନାରେ ଅଭିଯୋଗ କରିଛନ୍ତି ଦୁଇଜଣ ବାରଗର୍ଲ। କ୍ୟାମେରା ଆଗରେ ବାରରେ ଦିଆଯାଉଥିବା ଅକଥନୀୟ ନିର୍ଯାତନାର ପୋଲ ଖୋଲିଛନ୍ତି ବାର୍ ଡ୍ୟାନସର ।
Also Read
ସେମାନଙ୍କ କହିବାନୁଯାୟୀ, ତାଙ୍କୁ କେବଳ ବାର୍ରେ ଡ୍ୟାନ୍ସ କରିବା ପାଇଁ ଅଣାଯାଇଥିଲା । କିନ୍ତୁ ଏଠି ବାର୍ ମାଲିକ ଡ୍ୟାନ୍ସ ବ୍ୟତୀତ ଅନେକ କିଛି କରିବାକୁ ବାଧ୍ୟ କରୁଛନ୍ତି । ଯେମିତିକି ଗ୍ରାହକଙ୍କୁ ଖୁସି କରିବା କଥା କହୁଛନ୍ତି ଖୋଦ୍ ବାର୍ ମାଲିକ । ଗ୍ରାହକ ଯୁଆଡ଼େ ଡାକୁଛନ୍ତି ସିଆଡ଼େ ଯିବାକୁ, ବାର୍ ଡ୍ୟାନ୍ସରମାନଙ୍କୁ ବାଧ୍ୟ କରୁଛନ୍ତି ମାଲିକ । ଏମିତିକି ଉକ୍ତ ବାର୍ରେ ରୁମ୍ ବ୍ୟବସ୍ଥା ରହିଛି । ସେଠିକୁ ଯିବାକୁ ବି କହୁଛନ୍ତି ବାର ମାଲିକ । ଅର୍ଥାତ କହିବାକୁ ଗଲେ ଯୁବତୀଙ୍କୁ ବାର୍ଡ୍ୟାନ୍ସ ସହ ଦେହ ବ୍ୟବସାୟ କରିବା ପାଇଁ ବାଧ୍ୟ କରୁଛନ୍ତି ।
ଦେହ ବ୍ୟବସାୟ ପାଇଁ ମନା କଲେ ବାର ମାଲିକ ଯୁବତୀଙ୍କୁ ମାଡ଼ ମାରୁଛନ୍ତି । ଠିକ୍ ସେମିତି ଜଣେ ଯୁବତୀ ବାର୍ ମାଲିକଙ୍କଠାରୁ ମାଡ଼ ଖାଇବା ପରେ ଏନେଇ ଥାନାର ଦ୍ୱାରସ୍ଥ ହୋଇଛନ୍ତି । ଆଉ ଗଣମାଧ୍ୟମ ଆଗରେ ପୁରା ବାର୍ର ପୋଲ ଖୋଲିଛନ୍ତି । ସେ ଆହୁରି କହିଛନ୍ତି ଉକ୍ତ ବାର୍ରେ ଏକ ବ୍ୟାଣ୍ଡ ପାର୍ଟି ରହିଛି, ଯେଉଁମାନଙ୍କ ମୁଖ୍ୟ କାମ ହେଲା, ଯୁବତୀଙ୍କୁ ଖରାପ କାମରେ ଲିପ୍ତ କରିବା । ସେମାନେ ବାହାରେ ବ୍ୟାଣ୍ଡ ପାର୍ଟି ବୋଲି ନିଜକୁ ପରିଚୟ ଦେଉଥିଲେ ବି ବାସ୍ତବରେ ତାଙ୍କ କାମ ସେୟା ନୁହେଁ ବୋଲି ଦୁଇ ଯୁବତୀ ଅଭିଯୋଗ କରିଛନ୍ତି ।
#ବାରରେ_ଚାଲିଛି_ଗନ୍ଧିଆ_କାମ..!
— ଓଟିଭି (@otvkhabar) October 6, 2023
ରାଜଧାନୀର ଏକ ବାରରେ କେମିତି ଚାଲିଛି ରଙ୍ଗିନ୍ ରାତି, ଖୁଲାସା କଲେ ଦୁଇ ବାର୍ ଗର୍ଲ.. ଗ୍ରାହକଙ୍କ ଡିମାଣ୍ଡ ପୂରା ନକଲେ ମିଳୁନି ପାଉଣା.. ଯେଉଁ ଝିଅ ପସନ୍ଦ ହେଲା ତାକୁ ଖରାପ କାମ କରିବାକୁ କେମିତି ବାଧ୍ୟ କରାଯାଏ ଶୁଣନ୍ତୁ... #Bar #Bhubaneswar #BarGirls #OTV pic.twitter.com/Up4It1BWbH
'#ଦାଦାକୁ_ଖୁସି_କଲେ_ମିଳିବ_୫୦ହଜାର'
— ଓଟିଭି (@otvkhabar) October 6, 2023
'ରାଜଧାନୀର ବାର୍ ହାତରେ ଅଛି ପୋଲିସ..! ରାତି ୧୨ ନୁହେଁ ବରଂ ସାରା ରାତି ଚାଲେ କଷ୍ଟମରଙ୍କୁ ଖୁସି କରିବା ପ୍ରକ୍ରିୟା.. ବାର୍ ଗର୍ଲଙ୍କୁ ଖରାପ କାମ କରିବାକୁ ବାଧ୍ୟ କରନ୍ତି.. ଦାଦାଙ୍କୁ ଖୁସି ନ କଲେ ମିଳେନି ପାଉଣା.. #Bhubaneswar #Bar #BarGirls #OTV pic.twitter.com/c91D7N0IPp
