୮ ବର୍ଷ ପରେ ଧରାପଡ଼ିଳା ଚିଟ୍‌ଫଣ୍ଡ ଠକ, ଓଡ଼ିଶାରୁ ଠକି ୟୁପିରେ ବୁଲୁଥିଲା

ଭୁବନେଶ୍ୱର: ୮ ବର୍ଷ ଧରି ଫେରାର ଥିବା ଚିଟ ଫଣ୍ଡ ଠକେଇ ଅଭିଯୁକ୍ତକୁ ଉତ୍ତର ପ୍ରଦେଶର ବରେଲିରୁ ଗିରଫ । ଅଭିଯୁକ୍ତକୁ ଗିରଫ କରିଛି ଭୁବନେଶ୍ୱର ଅର୍ଥନୈତିକ ଅପରାଧ ଶାଖା । ଗିରଫ ଅଭିଯୁକ୍ତର ନାଁ ଦିଲୀପ କୁମାର ଜୈନ । ତାଙ୍କ ଘର ରାଜସ୍ଥାନର ବିକାନରରେ । ୨୦୧୦ରୁ ୨୦୧୩ ମଧ୍ୟରେ ସେ ଓଡିଶାରେ ଇଣ୍ଟର ଓସେନ ବିଦେଶ ଲିମିଟଡ ନାମରେ ଏକ କମ୍ପାନୀ ଖୋଲି ବ୍ୟବସାୟ ଆରମ୍ଭ କରିଥିଲେ ।

ଅର୍ଥ ଦ୍ୱିଗୁଣିତ ହେବା ଲୋଭ ଦେଖାଇ ଲୋକଙ୍କଠାରୁ ବିଭିନ୍ନ ସ୍କିମରେ ଡିପୋଜିଟ୍‌ କରାଇଥିଲେ । ହେଲେ ମାଚ୍ୟୁରିଟି ପୂର୍ବରୁ କମ୍ପାନୀ ବନ୍ଦ କରି ୨୦୧୩ ମସିହାରୁ ଫେରାର ଥିଲେ । ତାଙ୍କ ବିରୁଦ୍ଧରେ ୨ କୋଟି ଟଙ୍କା ଠକିନେଇଥିବା ଅଭିଯୋଗ ହୋଇଥିଲା । ଗତକାଲି ସ୍ଥାନୀୟ ପୋଲିସ ସହାୟତାରେ ତାକୁ ଗିରଫ କରାଯାଇଥିବା EOW ସୂଚନା ଦେଇଛି । ବରେଲିରୁ ତାକୁ ଟ୍ରାଞ୍ଜିଟ ରିମାଣ୍ଡରେ ଆଣୁଛି ପୋଲିସ ।

Also Read

ବ୍ୟାଘ୍ର ଦିବସରେ PCCFଙ୍କ ବଡ଼ ବୟାନ, ରାଜ୍ୟରେ ଅପରାଧୀଙ୍କ ନେଟୱାର୍କ ବଢ଼ିଛି !

ସେଲ୍ଫି ହେଲା କାଳ: ଗାଧୋଇବା ସମୟରେ ବୁଡ଼ି ଗଲେ ଯୁବକ

ବଢ଼ୁଛି ମୋଦିଙ୍କ ସୋସିଆଲ ମିଡିଆ ଫ୍ୟାନ୍ ଫଲୋଇଙ୍ଗ୍ : ଟ୍ୱିଟରରେ ଫଲୋଅର୍ସ ସଂଖ୍ୟା ୭୦ ମିଲିୟନ ଟପିଲା

ତେବେ ରାଜ୍ୟରେ ଲକ୍ଷ ଲକ୍ଷ ଲୋକ ଚିଟ୍‌ଫଣ୍ଡ ଠକେଇର ଶିକାର ହୋଇଛନ୍ତି । ସେମାନେ ନିଜର ଜୀବନର ସବୁ ସଞ୍ଚୟ ହରାଇଥିଲେ ବି ଏବେ ସୁଦ୍ଧା ତାଙ୍କୁ ନ୍ୟାୟ ମିଳିପାରି ନାହିଁ । ସେପଟେ ସରକାର ମଧ୍ୟ ଚୁପ୍‌ ବସିଛନ୍ତି କହିଲେ ଚଳେ । ଗରିବ ଓ ମଧ୍ୟବିତ ଲୋକମାନଙ୍କୁ ଟଙ୍କା ଦ୍ୱିଗୁଣା ହେବାର ଲୋଭ ଦେଖାଇ, ଲକ୍ଷ ଲକ୍ଷ ଲୋକଙ୍କଠାରୁ କୋଟି କୋଟି ଟଙ୍କା ଲୁଟିଛନ୍ତି ଏହି ଚିଟ୍‌ଫଣ୍ଡ ଲୁଟେରା ମାନେ । ବାରମ୍ବାର ଆନ୍ଦୋଳନ, ବିକ୍ଷୋଭ କରିବା ସହ ସ୍ଥାନୀୟ ପ୍ରଶାସନ ଓ ପୋଲିସର ଦ୍ୱାରସ୍ଥ ହୋଇଥିଲେ ବି କ୍ଷତିଗ୍ରସ୍ତଙ୍କୁ ନ୍ୟାୟ ମିଳିପାରି ନାହିଁ ।

ଲୋକଙ୍କୁ ନ୍ୟାୟ ଦେବା ପାଇଁ ସରକାରଙ୍କ ପକ୍ଷରୁ ଯେଉଁ ସବୁ କମିଟି ଗଠନ କରାଯାଇଥିଲା ତାହା ମଧ୍ୟ ଏବେ ଶିଥିଳ ପ୍ରାୟ ଜଣାପଡ଼ୁଛି । ତେବେ ଆଗକୁ ସେହି ଗରିବ କ୍ଷତିଗ୍ରସ୍ତଙ୍କ ଅବସ୍ଥା କ’ଣ ହେବ, ତାଙ୍କୁ ନ୍ୟାୟ ମିଳିବ କି ନାହିଁ ତାହା ସମୟ କହିବ ।

OTV is now on Whatsapp

Join and get latest news update delivered to you via whatsapp

Join Now