ଦେଢ଼ କୋଟିର ଚିଟଫଣ୍ଡ ସ୍କାମ: ଦୋଷୀକୁ ୭ ବର୍ଷ ଜେଲ୍ ଦଣ୍ଡ

ଦେଢ଼ କୋଟି ଟଙ୍କା ଡିଜିଟାଲ ଚିଟଫଣ୍ଡ ସ୍କାମରେ ଜଣେ ଦୋଷୀକୁ ସଜ୍ଜା । ଡିଜିଟାଲ ରିଭ୍ୟୁଲୁସନ ଟେକ୍ନୋଲୋଜି ଲିମିଟେଡ ନିର୍ଦ୍ଦେଶକ ପ୍ରିନସ୍ କୁମାରକୁ ୭ ବର୍ଷ ଜେଲ ଦଣ୍ଡ ସହ ତିନି ଲକ୍ଷ ୩୩ ହଜାର ଟଙ୍କା ଫାଇନ ଦେବାକୁ କୋର୍ଟଙ୍କ ନିର୍ଦ୍ଦେଶ । ବାଲେଶ୍ୱର ଓପିଆଇଡି କୋର୍ଟ ଏହି ରାୟ ଶୁଣାଇବା ସହ ଫାଇନ ନଦେଲେ ଅନାଦେୟ ଆଉ ଗୋଟିଏ ବର୍ଷ ସଶ୍ରମ କାରାଦଣ୍ଡ ନିର୍ଦ୍ଦେଶ ଦେଇଛନ୍ତି ।

ଦୋଷୀ ବିରୋଧରେ ଆଇପିସିରେ ଠକେଇ, ଜାଲିଆତି, ଆଇ.ଟି ଆକ୍ଟ ସହ ଚିଟଫଣ୍ଡ ମାମଲା ରୁଜୁ ହୋଇଥିଲା । ଅଭିଯୁକ୍ତ ପ୍ରିନସ ମେ ୨୦୨୨ରେ ଉତ୍ତର ପ୍ରଦେଶ ମଝୁରାରୁ ଗିରଫ୍ ହୋଇଥିଲା । ଜାମାକାରୀଙ୍କୁ ବିଭିନ୍ନ ସ୍କିମରେ ଅଧିକ ଲାଭର ପ୍ରଲୋଭନ ଦେଖାଇ ଅର୍ଥ ହଡପ କରିଥିଲା ।

ଏହା ହେଉଛି ଓଡିଶାର ପ୍ରଥମ ଡିଜିଟାଲ ଟିଟପଣ୍ଡ ଠକେଇ, ଯେଉଁଥିରେ ଦଣ୍ଡ ବିଧାନ ହୋଇଛି । ମହାରାଷ୍ଟ, ବିହାର, ୟୁପି, ଦିଲ୍ଲୀ, ପଶ୍ଚିମବଙ୍ଗ, ଓଡିଶା, ଛତିଶଗଡ ଜମାକାରୀଙ୍କୁ ଏହି ସଂସ୍ଥା ଚୁନ ଲଗାଇଥିବା ଅଭିଯୋଗ ହୋଇଛି ।