୫୫ ବର୍ଷିୟ ପୁଅକୁ ଟାଙ୍ଗିଆରେ ହାଣି ହତ୍ୟା କଲା ୮୫ ବର୍ଷିୟ ବାପା !

ପାରିବାରିକ କଳହ ଯୋଗୁଁ ହତ୍ୟା, ଏବେ ଏକ ନିତି ଦିନିଆ ଘଟଣା ହେଲାଣି । ପ୍ରତ୍ୟେକ ଦିନ ଖବର କାଗଜରେ ଏମିତି ଅନେକ ଖବର ପ୍ରକାଶ ପାଉଛି । ପରିବାରରେ ସାମାନ୍ୟ କଳହରୁ ବର୍ତ୍ତିବା ପାଇଁ ଲୋକେ ହତ୍ୟା କରିବାକୁ ବି ପଛାଉ ନାହାନ୍ତି । ଠିକ୍‌ ଏମିତି ଏକ ଘଟଣା ଏବେ ପୁଣି ସାମ୍ନାକୁ ଆସିଛି ।

ପାରିବାରିକ କଳହର କରୁଣ ପରିଣତି । ପରିବାର ମଧ୍ୟରେ କଳହ ଯୋଗୁଁ ପୁଅକୁ ହତ୍ୟା କଲା ବାପା । ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୁଳ ଜିଲ୍ଲା ଖମାର ଥାନା ଅନ୍ତର୍ଗତ ମୁଣ୍ଡୁରୀବେଡା ଗାଁରେ । ଏହି ଗାଁରେ ବାସ କରୁଥିବା ପାଦୁକ ସାହୁ ନିଜ ପୁଅ ଇଶ୍ୱର ସାହୁକୁ ଟାଙ୍ଗିଆରେ ହାଣି ହତ୍ୟା କରିଛି । ଶୁକ୍ରବାର ସନ୍ଧ୍ୟାରେ କୌଣସି ଏକ କାରଣକୁ ନେଇ ବାପା ଓ ପୁଅଙ୍କ ମଧ୍ୟରେ କଥା କଟାକଟି ହୋଇଥିଲା । ଏହାପରେ ଘଟଣା ହାତାହାତି ପର୍ଯ୍ୟନ୍ତ ଯାଇଥିଲା । ଶେଷରେ ଏହି ପାଟିତୁଣ୍ଡ ଉଗ୍ରରୂପ ନେଇଥିଲା । ଆଉ ଏଥିରେ ଅଧିକ ଉତ୍‌କ୍ଷିପ୍ତ ହୋଇ ଉଠିଥିଲେ ବାପା ପାଦୁକ ସାହୁ ।

ଆଉ ସେହି କ୍ରୋଧର ବହ୍ନିରେ ଜଳୁଥିଲେ ୮୫ ବର୍ଷିୟ ବାପା ପାଦୁକ ସାହୁ । ସେ ଏକ ପ୍ରକାର ପ୍ରତିଶୋଧ ପରାୟଣ ହୋଇଉଠିଥିଲେ । ଆଉ ସୁଯୋଗ ଅପକ୍ଷାରେ ରହିଥିଲେ । ୫୫ ବର୍ଷିୟ ପୁଅ ଇଶ୍ୱର ସାହୁ ଶୋଇଥିବା ବେଳେ ତାଙ୍କୁ ଅତି ନିର୍ମମ ଭାବେ ଟାଙ୍ଗିଆରେ ଆକ୍ରମଣ କରିଥିଲେ । ଖବର ପାଇ ପୋଲିସ  ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।