ପୁଣି ମାଡିଲାଣି କରୋନା; ୨୪ ଘଣ୍ଟାରେ ୩ ହଜାର ୬୮୮ ଆକ୍ରାନ୍ତ ଚିହ୍ନଟ, ୫୦ ମୃତ

ଦେଶରେ ପୁଣି ବଢ଼ୁଛି ମହାମୀରୀ କୋପ । ଧିରେ ଧିରେ ଉପରମୁହାଁ ହେଲାଣି କରୋନା ସଂକ୍ରମଣ ସଂଖ୍ୟା । ଗତ ୨୪ ଘଣ୍ଟା ମଧ୍ୟରେ ଦୈନିକ ସଂକ୍ରମଣ ୩ ହଜାର ପାର୍ କରି ୩ ହଜାର ୬୮୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କରୋନାରେ ୫୦ ଜଣଙ୍କର ମୃତ୍ୟୁ ହୋଇଛି ।

ଦେଶରେ ଆକ୍ଟିଭ୍ କେସ୍ ସଂଖ୍ୟା ୧୮ ହଜାର ୬୮୪ରେ ପହଞ୍ଚିଛି । କେବଳ ଦିଲ୍ଲୀରେ ୨୪ ଘଣ୍ଟାରେ ୧୬ ଶହ ୭ ପଜିଟିଭ୍ ଚିହ୍ନଟ ହୋଇଥିବାବେଳେ ଆକ୍ଟିଭ୍ କେସ ସଂଖ୍ୟା ୫ ହଜାର ଟପିଛି । ଦେଶରେ ଲଗାତାର ତିନି ଦିନ ହେଲା ଦୈନିକ ସଂକ୍ରମଣ ୩ ହଜାର ଉପରେ ରହୁଛି । ସେହିପରି ଗତକାଲି ମଧ୍ୟ ଦେଶରେ ୩ ହଜାର ୩୭୭ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ ।

COVID19 | 3,688 new cases in India today; Active caseload rises to 18,684 pic.twitter.com/9NB1foJONC

Also Read

ଆସୁଛି କି ବାତ୍ୟା ଭୟ ? ମେ ୪ରେ ଦକ୍ଷିଣ ଆଣ୍ଡାମାନ ସାଗରରେ ସମ୍ଭାବ୍ୟ ଘୂର୍ଣ୍ଣିବଳୟକୁ ନେଇ ଆଶଙ୍କା

Read More

ଅଣ୍ଡା ଫୁଟିବା ପରେ ସମୁଦ୍ରମୁହାଁ ହଜାର ହଜାର ଅଲିଭ୍ ରିଡ୍‌ଲେ ଶାବକ

Read More

ପାରିବାରିକ କଳହର କରୁଣ ପରିଣତି : ରାଜଧାନୀରେ ସ୍ତ୍ରୀକୁ ପିଟିପିଟି ହତ୍ୟା

Read More

— ANI (@ANI) April 30, 2022

ଅନ୍ୟପକ୍ଷେ, ଗତ ସପ୍ତାହକର କୋଭିଡ୍ ଗ୍ରାଫ୍ ଅନୁଯାୟୀ, କରୋନା ସଂକ୍ରମଣ କ୍ରମାଗତ ଭାବରେ ବଢିଚାଲିଥିବା ଜଣାପଡିଛି । ଏପ୍ରିଲ ୨୮ରେ ଦୈନିକ ସଂକ୍ରମଣ ୩ ହଜାର ୩୦୩ ଥିବାବେଳେ ଏପ୍ରିଲ ୨୭ରେ ୨ ହଜାର ୯୨୭,ଏପ୍ରିଲ ୨୬ରେ ୨ ହଜାର ୪୮୩, ଏପ୍ରିଲ ୨୫ରେ ୨ ହଜାର ୫୪୧, ଏପ୍ରିଲ ୨୪ରେ ୨ ହଜାର ୫୯୩ ଏବଂ ଏପ୍ରିଲ ୨୩ରେ ୨ ହଜାର ୫୨୭ ଦୈନିକ ସଂକ୍ରମଣ ଚିହ୍ନଟ ହୋଇଥିବା ଜଣାପଡିଛି ।