LIVE TV
ପାଣାଜୀ : କରୋନା ଜାଲରେ କ୍ରୁଜ୍ ଯାତ୍ରୀ । ମୁମ୍ବାଇରୁ ଗୋଆରେ ପହଞ୍ଚିଥିବା କାର୍ଡେଲିଆ କ୍ରୁଜରେ ୬୬ ଜଣ କରୋନା ସଂକ୍ରମିତ ଚିହ୍ନଟ ହେବା ପରେ ହଇଚଇ ସୃଷ୍ଟି ହୋଇଛି । କରୋନା ସଂକ୍ରମଣ ସମ୍ପର୍କରେ ଜାଣିବା ପରେ କ୍ରୁଜକୁ ମୁମ୍ବାଇକୁ ଫେରାଇ ଦିଆଯାଇଛି । ସଂକ୍ରମିତ କିଛି ବ୍ୟକ୍ତି ଗୋଆର ଏକ କରୋନା ଚିକିତ୍ସା କେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେବାକୁ ମନା କରିବା ପରେ ଏହି ପଦକ୍ଷେପ ନିଆଯାଇଛି । ମଙ୍ଗଳବାର ଦିନ ସିପିଂ ଏଜେନ୍ସିର ଅଧିକାରୀ ଏହି ସୂଚନା ଦେଇଛନ୍ତି । ସଂକ୍ରମିତ ଯାତ୍ରୀମାନଙ୍କୁ ଜାହାଜରେ ଆଇସୋଲେଟ୍ କରାଯିବ ବୋଲି ସେ କହିଛନ୍ତି ।
ମୁମ୍ବାଇରୁ ଗୋଆକୁ ଆସିଥିବା କାର୍ଡେଲିଆ କ୍ରୁଜ୍ ଜାହାଜରେ ଥିଲେ ୨୦୦୦ ଯାତ୍ରୀ । ସେମାନଙ୍କ ମଧ୍ୟରୁ ୬୬ ଜଣ ଯାତ୍ରୀ କରୋନା ସଂକ୍ରମିତ ହୋଇଥିବା ଜଣାପଡିଛି । ରବିବାର ଦିନ ଜଣେ କ୍ରୁ ସଦସ୍ୟଙ୍କ କରୋନା ରିପୋର୍ଟ ପଜିଟିଭ୍ ଆସିବା ପରେ ଜାହାଜରେ ଥିବା ଲୋକଙ୍କ କରୋନା ପରୀକ୍ଷା କରାଯାଇଥିଲା । ସେମାନଙ୍କ ମଧ୍ୟରେ ପ୍ରଥମେ ୨୭ ଜଣ ଯାତ୍ରୀ କରୋନା ପଜିଟିଭ ଜଣାପଡିବା ପରେ ସୋମବାର ରାତି ୧୧.୩୦ରେ ଜାହାଜକୁ ଫେରାଇ ଦିଆଗଲା । ପରେ ୬୬ ଜଣ ସଂକ୍ରମିତ ହୋଇଥିବା ଜଣାପଡ଼ିଥିଲା ।
କରୋନା ପଜିଟିଭ ଯାତ୍ରୀମାନେ ଗୋଆର ଏକ କରୋନା ଚିକିତ୍ସା କେନ୍ଦ୍ରରେ ଭର୍ତ୍ତି ହେବାକୁ ମନା କରିବା ପରେ ଜାହାଜକୁ ପଠାଇବାକୁ ପଡିଲା । ହେଲେ ବର୍ତ୍ତମାନ ମୋଟ ୬୬ ସଂକ୍ରମିତଙ୍କ ମଧ୍ୟରୁ କେବଳ ଛଅ ଜଣ କ୍ରୁ ସଦସ୍ୟ ଗୋଆରେ ଓହ୍ଲାଇଥିଲେ।
ଅନ୍ୟପଟେ ପରିସ୍ଥିତିକୁ ଅନୁଧ୍ୟାନ କରିବା ପରେ ଦକ୍ଷିଣ ଗୋଆ ଜିଲ୍ଲା ପ୍ରଶାସନ ସମସ୍ତ ଯାତ୍ରୀଙ୍କ ସହ ଜାହାଜକୁ ମୁମ୍ବାଇକୁ ପଠାଇବାକୁ ନିର୍ଦ୍ଦେଶ ଦେଇଛି । ଯେଉଁ ଯାତ୍ରୀ ମାନଙ୍କୁ ଚିକିତ୍ସା କେନ୍ଦ୍ରକୁ ସ୍ଥାନାନ୍ତରିତ କରାଯାଇଥିଲା, ସେମାନଙ୍କୁ ମଧ୍ୟ ଜାହାଜରେ ମୁମ୍ବାଇ ପଠାଇ ଦିଆଯାଇଥିଲା ।
