LIVE TV
କଟକ ଭୁବନେଶ୍ୱର ପରେ ଏବେ ବ୍ରହ୍ମପୁରରେ ବି ମାସ୍କ ବାଧ୍ୟତାମୂଳକ । କରୋନା ସଂକ୍ରମଣକୁ ଦୃଷ୍ଟିରେ ରଖି ବ୍ରହ୍ମପୁରରେ ମାସ୍କ ବାଧ୍ୟତାମୂଳକ କରାଯାଇଛି । ବ୍ରହ୍ମପୁର ମହାନଗର ନିଗମ ପକ୍ଷରୁ ଏହି ନିର୍ଦ୍ଦେଶ ଦିଆଯାଇଛି ।
ଏଣିକି ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବାକୁ ପଡ଼ିବ । ସିନେମା ହଲ୍, ରେଷ୍ଟୁରାଣ୍ଟ, ପାର୍କ, ରାସ୍ତାରେ ଯିବାଆସିବା ବେଳେ ମାସ୍କ ପିନ୍ଧିବାକୁ ପଡ଼ିବ । ସପିଂ, ମଲ୍, ଦୋକାନରେ NO MASK, NO ENTRY ବ୍ୟବସ୍ଥା କରିବାକୁ ପଡ଼ିବ। ମାସ୍କ ନପିନ୍ଧିଲେ ସାମଗ୍ରୀ ମିଳିବନି ସେ ନେଇ ଦୋକାନୀ ଧ୍ୟାନ ଦେବେ। ଏପରିକି ମାସ୍କ ନପିନ୍ଧିଲେ ପେଟ୍ରୋଲ ପମ୍ପରେ ତେଲ ନଦେବାକୁ କହିଛି ବିଏମ୍ସି । ତାସହ ସରକାରୀ ଓ ଘରୋଇ ଅଫିସ୍ରେ ମାସ୍କ ପିନ୍ଧିବାକୁ ପଡ଼ିବ। ମାସ୍କ ନିୟମକୁ ଉଲ୍ଲଂଘନ କଲେ କଡ଼ା ଫାଇନ୍ ଲାଗିବ । ଏହାପୂର୍ବରୁ ଭୁବନେଶ୍ୱର, କଟକ, ସମ୍ବଲପୁରରେ ମାସ୍କ ବାଧ୍ୟତାମୂଳକ ହୋଇଛି । ତେବେ ନିୟମ ଉଲ୍ଲଙ୍ଘନ କଲେ ଜରିମାନା ପ୍ରାବଧାନ ଥିବା ସୂଚନା ଦିଆଯାଇଛି ।
