ଡିଜିଟାଲ ପେମେଣ୍ଟ କରୁଥିଲେ ଜାଣିରଖନ୍ତୁ, UPI ଏବଂ UPI Lite ମଧ୍ୟରେ ଫରକ କ’ଣ...

ବର୍ତ୍ତମାନର ସମୟରେ ଡିଜିଟାଲ୍‌ ପେମେଣ୍ଟ ଏକ ସାଧାରଣ କଥା ହୋଇଗଲାଣି । ପ୍ରାୟ ସମସ୍ତେ ଯେକୌଣସି ଜିନିଷ କିଣନ୍ତୁ ଫୋନ୍‌ ପେ’ ଓ ଗୁଗଲ ପେ’ ପରି ବିଭିନ୍ନ ଡିଜିଟାଲ ପେମେଣ୍ଟ ଆପ୍‌ ଦ୍ୱାରା ଟଙ୍କା ଦେଉଛନ୍ତି । ହେଲେ ବର୍ତ୍ତମାନ UPI ଏବଂ UPI Lite ଦେଖିବାକୁ ମିଳୁଛି । ହେଲେ ଏହା କ’ଣ ? ଏମାନଙ୍କ ମଧ୍ୟରେ କ’ଣ ପାର୍ଥକ୍ୟ ରହିଛି ? ଆସନ୍ତୁ ଜାଣିବା ।

UPI ଦ୍ୱାରା ଗୋଟିଏ ବ୍ୟାଙ୍କରୁ ଅନ୍ୟ ଗୋଟିଏ ବ୍ୟାଙ୍କ ଆକାଉଣ୍ଟ ଟଙ୍କା ପଠାଯାଇଥାଏ । ହେଲେ ସେହି କାମକୁ ଯଦି ଆପଣ UPI Lite ଦ୍ୱାରା କରନ୍ତି ତେବେ UPI Lite ୱାଲଟ୍‌ରେ ଟଙ୍କା ପାଇଥିବା ବ୍ୟକ୍ତି ପରେ ବ୍ୟାଙ୍କ ଖାତାକୁ ଟଙ୍କା ଟ୍ରାନ୍ସଫର କରିବାକୁ ପଡ଼ିଥାଏ ।

UPI ଦ୍ୱାରା ଆପଣ ଗୋଟିଏ ଦିନରେ ଅତିବେଶିରେ ମୋଟ୍ ୨୦ ଥର ଟ୍ରାଞ୍ଜାକ୍ସନ କରିପାରିବେ । ତାହାପୁଣି ୨ଲକ୍ଷ ଟଙ୍କା ଯାଏଁ ହୋଇପାରିବ ବୋଲି କୁହାଯାଇଛି । ସମାନ କଥା ଯଦି ଆପଣ UPI Liteରେ କରନ୍ତି, ତେବେ ଆପଣ ଗୋଟିଏ ଦିନରେ ମୋଟ୍‌ ୪ ହଜାର ଟଙ୍କା ଟ୍ରାଞ୍ଜାକ୍ସନ କରିପାରିବେ ।

ଏହା ବ୍ୟତୀତ ଏଥିରେ ଆଉ ଏକ ପାର୍ଥକ୍ୟ ମଧ୍ୟ ରହିଛି । UPIରେ ଟଙ୍କା ଟ୍ରାନ୍ସଫର କରିବା ସମୟରେ ଏଥିରେ ପିନ୍‌ର ଆବଶ୍ୟକତା ରହିଥାଏ । କିନ୍ତୁ UPI Liteରେ କୌଣସି ପିନ୍‌ର ଆବଶ୍ୟକତା ପଡ଼ିନଥାଏ ।