ରିଲାଏନ୍ସ ଜିଓର ନୂଆ ଫିଚର ଫୋନ୍ ମାତ୍ର ୯୯୯ ଟଙ୍କାରେ, ମିଳିବ 4G ଇଣ୍ଟରନେଟ୍

ବଜାରକୁ ଆସିଲା ସବୁଠାରୁ ଶସ୍ତା 4G ଫୋନ୍ । ଏଥିପାଇଁ ପୁଣି ଚର୍ଚ୍ଚାରେ ରିଲାଏନ୍ସ ଜିଓ । କମ୍ପାନୀ ପକ୍ଷରୁ ଦୁନିଆର ସବୁଠାରୁ ଶସ୍ତା 4G ଫୋନ୍‌ ଲଞ୍ଚ କରାଯାଇଛି । ଆଉ ଏହାର ନାଁ ରହିଛି ‘ଜିଓ ଭାରତ V2’ । ଏହାର ଦାମ ମାତ୍ର ୯୯୯ ଟଙ୍କା । ସୋମବାର ଏହି ନୂଆ ଫୋନ୍‌ ଲଞ୍ଚ କରିଛି ରିଲାଏନ୍ସ ଜିଓ ।

କମ୍ପାନୀ ପକ୍ଷରୁ କୁହାଯାଇଛି ଯେ ଏହା ଏକ ବେସିକ୍ ଫିଚର ଫୋନ୍‌ । କିନ୍ତୁ ଏହାର ସବୁଠାରୁ ବଡ଼ ବିଶେଷତ୍ୱ ହେଲା ଏଥିରେ ଇଣ୍ଟରନେଟ୍ ଚାଲିପାରିବ । ଏହି ନୂଆ ଜିଓ ଭାରତ ସ୍ମାର୍ଟ ଫୋନ୍, ବର୍ତ୍ତମାନର ୨୫୦ ମିଲିୟନ୍ ଫିଚର ଫୋନ୍ (2G) ୟୁଜର୍ସଙ୍କୁ ନିଜର ପ୍ଲାଟଫର୍ମ ମାଧ୍ୟମରେ ଇଣ୍ଟରନେଟ୍ ଯୋଗାଇବ । ଦେଶରେ ଜୁଲାଇ ୭ରୁ ପରୀକ୍ଷାମୂଳକ ଭାବେ ପ୍ରଥମେ ୧୦ ଲକ୍ଷ ଜିଓ ଭାରତ ଫୋନ୍‌ ଲଞ୍ଚ କରାଯିବ ।

ରିଲାଏନ୍ସ ଜିଓର ଚେୟାରମ୍ୟାନ୍‌ ଆକାଶ ଅମ୍ବାନୀ କହିଛନ୍ତି, ଏବେ ସୁଦ୍ଧା ଦେଶରେ ୨୫୦ ମିଲିୟନ ମୋବାଇଲ ଫୋନ୍ ବ୍ୟବହାରକାରୀ ଅଛନ୍ତି ଯେଉଁମାନେ 2G ଯୁଗରେ ଫଶିକି ରହିଛନ୍ତି । ସେମାନେ ଏବେ ସୁଦ୍ଧା ଇଣ୍ଟରନେଟ୍‌ର ବେସିକ୍‌ ଫାଇଦା ମଧ୍ୟ ପାଇପାରି ନାହାନ୍ତି । ଯେତେବେଳେ କି ସାରା ବିଶ୍ୱ 5G ସ୍ପିଡ୍‌ର ମଜା ନେଉଛି ସେତେବେଳେ ଏହି ୨୫୦ ମିଲିୟନ ମୋବାଇଲ ୟୁଜର 2G ରେ ଫଶିଛନ୍ତି ।

ଆକାଶ ଆହୁରି କହିଛନ୍ତି କି, ‘୬ ବର୍ଷ ପୂର୍ବେ ଯେବେ ଜିଓ ଲଞ୍ଚ ହେଲା ସେତେବେଳେ ଆମେ ସ୍ପଷ୍ଟ କରିଥିଲୁ କି ଜିଓ, ଇଣ୍ଟରନେଟ୍‌କୁ ସାଧାରଣ ଲୋକଙ୍କ ପାଖରେ ପହଞ୍ଚାଇବା ପାଇଁ ସବୁ ପ୍ରକାର ଚେଷ୍ଟା କରିବ । ଏହାସହ ପ୍ରତ୍ୟେକ ଭାରତୀୟ ଯେଭଳି ଟେକ୍ନୋଲୋଜିର ଫାଇଦା ପାଇପାରିବ ସେନେଇ ପ୍ରାୟସ କରିବ । ଏବେ ହାତଗଣତି ଲୋକଙ୍କ ପାଖରେ ଟେକ୍ନୋଲୋଜି ଆଉ ସୀମିତ ହୋଇ ରହିବ ନାହିଁ ।’

#WATCH | Visuals of JioBharat V2 4G Phone with an MRP of Rs 999, the lowest entry price for an internet-enabled phone. The monthly plan is 30% cheaper and has 7 times more data compared to feature phone offerings of other operators. The phone has plans including Rs 123 for 28… pic.twitter.com/xBbALCAoA9

— ANI (@ANI) July 3, 2023

ତେବେ ଏହି ନୂଆ ଜିଓ ଭାରତ V2 ଅନ୍ୟ କମ୍ପାନୀର ଫିଚର ଫୋନ୍‌ ତୁଳନାର ୩୦ ପ୍ରତିଶତ ଶସ୍ତା ହେବା ସହ ମାସିକା ପ୍ଲାନ୍‌ ଅନୁସାରେ ୭ଗୁଣା ଅଧିକ ଇଣ୍ଟରନେଟ୍‌ ସୁବିଧା ଯୋଗାଉଛି । ମାତ୍ର ୧୨୩ ଟଙ୍କା ରିଚାର୍ଜ କରି ୟୁଜର ୨୮ ଦିନ ପର୍ଯ୍ୟନ୍ତ ଅନଲିମିଟେଡ୍ ଭଏସ୍ କଲ ଏବଂ ୧୪ ଜିବି ଡାଟାର ଫାଇଦା ନେଇପାରିବେ । ଅନ୍ୟ ଅପରେଟରମାନେ ଭଏସ୍‌ କଲ୍ ଏବଂ 2GB ଡାଟା ସୁବିଧା ଦେବା ପାଇଁ ୧୭୯ ଟଙ୍କା ନେଉଛନ୍ତି ।