LIVE TV
ସରକାରୀ ବୀମା କମ୍ପାନୀ LIC ର IPOକୁ ନିବେଶକଙ୍କଠାରୁ ଏକ ବମ୍ପର ପ୍ରତିକ୍ରିୟା ପାଇଲା । ଆଜି ସୋମବାର, ଶେଷ ଦିନରେ ଏହି IPOକୁ ପ୍ରାୟ ୩ ଗୁଣା ସବସ୍କ୍ରାଇବ କରାଯାଇଛି । ଦେଶର ସର୍ବବୃହତ IPO 'LIC IPO'କୁ ବିଶେଷ କରି ପଲିସି ହୋଲ୍ଡର ଏବଂ କର୍ମଚାରୀମାନେ ହାତରୁ ହାତ ଗ୍ରହଣ କରିଥିଲେ । ପ୍ରଥମ ୨ ଦିନରେ LIC IPOକୁ ୧୦୦% ରୁ ଅଧିକ ସବସ୍କ୍ରାଇବ କରାଯାଇଥିଲା ।
Also Read
ତଥ୍ୟ ଅନୁଯାୟୀ, ଏହି ଆଇପିଓକୁ ସମସ୍ତ ବର୍ଗରେ ନିବେଶକଙ୍କଠାରୁ ଭଲ ପ୍ରତିକ୍ରିୟା ମିଳିଛି । ପଲିସି ଧାରକମାନଙ୍କ ବର୍ଗରେ ଆଇପିଓ ସର୍ବାଧିକ ସବ୍ସ୍କ୍ରପ୍ସନ୍ ପାଇଲା । ଏହି ବର୍ଗର IPO ଗୁଡିକ ୬.୦୫ ଗୁଣା ସବସ୍କ୍ରାଇବ କରାଯାଇଥିଲା । ସେହିଭଳି, LIC କର୍ମଚାରୀଙ୍କ ପାଇଁ ସଂରକ୍ଷିତ ରଖାଯାଇଥିବା ଅଂଶକୁ ୪.୩୬ ଗୁଣା ସବସ୍କ୍ରାଇବ କରାଯାଇଥିଲା । ଖୁଚୁରା ନିବେଶକଙ୍କ ଅଂଶ ମଧ୍ୟ ୧.୯୭ ଗୁଣା ସବସ୍କ୍ରାଇବ କରାଯାଇଥିଲା । ଏହା ବ୍ୟତୀତ, QIBs ପାଇଁ ରଖାଯାଇଥିବା ଅଂଶକୁ ୨.୮୩ ଗୁଣା ଏବଂ NII ଅଂଶକୁ ୨.୯୧ ଗୁଣା ସବସ୍କ୍ରାଇବ କରାଯାଇଥିଲା । ମୋଟ ଉପରେ ଦେଖିବାକୁ ଗଲେ LIC IPO କୁ ୨.୯୩ ଗୁଣା ସବସ୍କ୍ରିପସନ୍ ମିଳିଛି ।
ଏହି ଆଇପିଓ ସହିତ ଅନେକ ନୂଆ ରେକର୍ଡ ମଧ୍ୟ ସୃଷ୍ଟି ହେଲା । ସବୁଠାରୁ ବଡ଼ କଥା ହେଲା ଏହା କେବଳ ଭାରତର ସବୁଠୁ ବଡ ଆଇପିଓରେ ପରିଣତ ହେଲା ତାହା ନୁହେଁ, ଏହାସହ ପ୍ରଥମ ଥର ପାଇଁ ୱିକେଣ୍ଡରେ ବିଡିଂ ପାଇଁ ଆଇପିଓ ଖୋଲା ଥିଲା । ସାଧାରଣ ନିବେଶକ ଏବଂ ଅନୁଷ୍ଠାନିକ କ୍ରେତାମାନଙ୍କ ପାଇଁ LIC ର IPO ମେ’ ୪ ରୁ ୯ ତାରିଖ ପର୍ଯ୍ୟନ୍ତ ଖୋଲା ଥିଲା । ଶନିବାର ଏବଂ ରବିବାର ଦିନ ଆଇପିଓ ଖୋଲା ଥିବାରୁ ନିବେଶକମାନେ ସେମାନଙ୍କର ବିଡ୍ ଡାକିବା ପାଇଁ ପୂରା ୬ ଦିନ ସମୟ ପାଇଲେ । LIC IPO ପ୍ରଥମ ୨ ଦିନରେ ସମ୍ପୂର୍ଣ୍ଣ ହୋଇସାରିଥିଲା । ସପ୍ତାହର ଶେଷ ୨ ଦିନରେ ଏହାକୁ ୪୧ ପ୍ରତିଶତ ସବସ୍କ୍ରାଇବ କରାଯାଇଥିଲା ।
