LIVE TV
ଗତ କିଛି ଦିନ ମଧ୍ୟରେ ସୁନା ଦର ମଧ୍ୟ କ୍ରମାଗତ ଭାବେ ହ୍ରାସ ପାଉଛି । ନଭେମ୍ବର ପହିଲାରୁ ସୁନା ଦର ପ୍ରାୟ ୬୦୦୦ଟଙ୍କାରୁ ଅଧିକ ହ୍ରାସ ପାଇ ସାରିଲାଣି । ଅର୍ଥାତ୍ ମାତ୍ର ଦୁଇ ସପ୍ତାହ ମଧ୍ୟରେ ସୁନା ଦରରେ ଯଥେଷ୍ଟ ପରିବର୍ତ୍ତନ ହୋଇଛି । ଆସନ୍ତୁ ଜାଣିବା ଆଜି କେଉଁଠି ସୁନାର ଦର କେତେ ରହିଛି...
ଟୁଇନସିଟିରେ କେତେ ରହିଛି ସୁନା ଦର ?
ଆଜି କଟକ ଓ ଭୁବନେଶ୍ୱରରେ ସୁନା ଦରରେ ପରିବର୍ତ୍ତନ ଘଟିଛି । ଗତକାଲି ଅପେକ୍ଷା ସାମାନ୍ୟ କମ୍ ରହିଛି ସୁନାର ଦାମ୍ । ଆଜି ଟୁଇନସିଟିରେ ୧ଗ୍ରାମ ୨୪ କ୍ୟାରେଟ୍ ସୁନା ଦର ୧୧ ଟଙ୍କା କମିଛି । ବର୍ତ୍ତମାନ ଦର ଏକ ଗ୍ରାମ୍କୁ ୭୫୬୫ ଟଙ୍କା ରହିଛି । ସେହିପରି ୨୨ କ୍ୟାରେଟ୍ ସୁନାର ମୂଲ୍ୟ ଆଜି ଗ୍ରାମ ପିଛା ୧୦ ଟଙ୍କା କମିକି ୬୯୩୫ ଟଙ୍କା ରହିଛି । ଏହାଛଡା ରୁପା ଦରରେ ମଧ୍ୟ ହ୍ରାସ ପାଇଛି । ବିଶୁଦ୍ଧ ରୂପା ୧ ଗ୍ରାମ୍ ପିଛା ୯୯ ଟଙ୍କା ରହିଥିବା ବେଳେ କେଜି ୯୯ହଜାର ଟଙ୍କା ରହିଛି ।
Also Read
କ୍ରମାଗତ ଭାବେ ଶସ୍ତା ହେଉଛି ସୁନା
ଚଳିତ ବର୍ଷ ସୁନା ମୂଲ୍ୟରେ ଏକ ବଡ଼ ଧରଣର ପରିବର୍ତ୍ତନ ଦେଖାଦେଇଛି । ଗୋଟିଏ ପଟେ ମୋଦି ସରକାର ୩.୦ର (ୟୁନିଅନ୍ ବଜେଟ୍ ୨୦୨୪) ପ୍ରଥମ ବଜେଟ୍ ଉପସ୍ଥାପନା ସମୟରେ ଏହା ସୁନା ଓ ରୁପା ଉପରେ କଷ୍ଟମ୍ ଡ୍ୟୁଟି ହଟାଇବାକୁ ଘୋଷଣା କରିବା ପରେ ଏହା ହ୍ରାସ ପାଇଛି । କିନ୍ତୁ ଗତ ଦୁଇ ସପ୍ତାହ ଧରି ସୁନା ଦର ଲଗାତାର ହ୍ରାସ ପାଉଛି। ଗତକାଲି ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ୧୦ଗ୍ରାମ ୨୪ କ୍ୟାରେଟ ସୁନା ଦର ୭୦୦ଟଙ୍କାରୁ ଅଧିକ ଟଙ୍କା ହ୍ରାସ ପାଇଛି । ସେହିପରି ଆମେରିକାରେ ଟ୍ରମ୍ପ ସରକାର ଆସିବା ପରେ ମଧ୍ୟ କ୍ରମାଗତ ଭାବେ କମୁଛି ସୁନା ଦର । ଗତ ଦୁଇରୁ ତିନି ସପ୍ତାହ ମଧ୍ୟରେ ସୁନା ଦର ପାଖାପାଖି ୬୦୦୦ ଟଙ୍କା କମିଛି ।
ଦୁଇ ସପ୍ତାହ ମଧ୍ୟରେ ୨୪ କ୍ୟାରେଟ୍ ସୁନା ଦର ୬୦୦୦ରୁ ଅଧିକ ଟଙ୍କା ହ୍ରାସ ପାଇଛି । ସୂଚନାଯୋଗ୍ୟ ଯେ ୩ ପ୍ରତିଶତ GST ବିନା ଘରୋଇ ବଜାରରେ ସୁନାର ଏହି ମୂଲ୍ୟ ରହିଛି । GST ପରେ ଏହି ଦରରେ ବିଭିନ୍ନ ସ୍ଥାନରେ ପରିବର୍ତ୍ତନ ହୋଇଥାଏ । ଏହି କାରଣରୁ ଦେଶର ବିଭିନ୍ନ ସହରରେ ସୁନା ମୂଲ୍ୟରେ ପରିବର୍ତ୍ତନ ଦେଖାଯାଏ ।
କାହିଁକି କମୁଛି ସୁନା ଦର ?
ସୁନା ଦର ଖସିବାର ଅନେକ କାରଣ ରହିଛି । ୩ ମାସ ଧରି ଦର ବଢ଼ିବା ଫଳରେ ଲୋକେ ଏବେ ଲାଭ ଅସୁଲି କରୁଛନ୍ତି । ଫଳରେ ଚାହିଦା ଖସିଛି । ଏହା ଦର ହ୍ରାସର ଅନ୍ୟତମ କାରଣ । ସେହିଭଳି ଆମେରିକାରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରଠାରୁ ଏଯାବତ୍ ଡଲାର ସୂଚକାଙ୍କ ୨.୩୬% ବୃଦ୍ଧି ପାଇଛି । ଆମେରିକୀୟ ବଣ୍ଡ ଦର ବଢ଼ିଛି । ଉଭୟ କାରଣ ଯୋଗୁ ସୁନା ଚାହିଦା ହ୍ରାସ ପାଇଛି । ମଧ୍ୟପ୍ରାଚ୍ୟ, ରୁଷ-ୟୁକ୍ରେନ, ଇସ୍ରାଏଲ-ହମାସ, ଇସ୍ରାଏଲ-ଇରାନ ମଧ୍ୟରେ ଯୁଦ୍ଧ ଯୋଗୁ ସୁନା ଦର ବଢୁଥିଲା । ଏବେ ସେଭଳି କିଛି ହଲଚଲ ଦେଖିବାକୁ ମିଳୁନାହିଁ । ତେଣୁ ସୁନା ଦର କ୍ରମାଗତ ଖସୁଥିବା ଦେଖିବାକୁ ମିଳୁଛି ।
