LIVE TV
ଘରୋଇ ପୁଞ୍ଜି ବଜାରରେ ଅସ୍ୱାଭାବିକ ପ୍ରଦର୍ଶନ । ଗୋଟିଏ ସପ୍ତାହରେ ୧୪୦୦ ପଏଣ୍ଟ ଛୁଇଁଲା ପୁଞ୍ଜି ବଜାର । ଡିସେମ୍ବର ମାସର ପ୍ରଥମ ଦିନରେ ଶିଖର ଛୁଇଁଛି । ଦୁଇଦିନ ପୂର୍ବରୁ ଜିଡିପି ଆକଳନ ନେଇ ରିପୋର୍ଟ ପ୍ରକାଶ ପାଇଥିଲା । ଏଥିରେ ପ୍ରଥମ ଓ ତ୍ରୈମାସିକ ଜିଡିପି ଆକଳନ ୭.୬ ପ୍ରତିଶତର ଅଭିବୃଦ୍ଧି ଘଟିବା ନେଇ ଦର୍ଶା ଯାଇଥିଲା । ଅନ୍ୟପଟେ ଭାରତୀୟ ପୁଞ୍ଜି ବଜାରରେ ବିଦେଶୀ ନିବେଶକଙ୍କ ପ୍ରବେଶ, ବୁଥ ଏକଜିଟ ପୋଲ ଆଦି ନେଇ ଭାରତୀୟ ସେୟାର ମାର୍କେଟରେ ଉତ୍ସାହ ଦେଖିବାକୁ ମିଳିଛି ।
ଗତକାଲିର କାରବାର ଶେଷ ବେଳକୁ BSE ସେନସେକ୍ସ୪୯୨.୭୫ ପଏଣ୍ଟରେ ବନ୍ଦ ରହିଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜ ନିଫ୍ଟି ସୂଚକାଙ୍କ ୨୦,୨୫୦ ପଏଣ୍ଟ ଅତିକ୍ରମ କରି ରେକର୍ଡ ସ୍ତରରେ ପହଞ୍ଚିଛି । ଅନ୍ୟପଟେ ଚଳିତ ସପ୍ତାହରେ ମଧ୍ୟ ଷ୍ଟକ ବଜାରରେ ୪୯୨ ପଏଣ୍ଟ ବୃଦ୍ଧି ପାଇଛି । ଏଥି ଯୋଗୁଁ ମାତ୍ର ଦିନକରେ ନିବେଶକମାନେ ପାଖାପାଖି ୨ ଲକ୍ଷ କୋଟି ଟଙ୍କା ଲାଭ କରିଛନ୍ତି ।
ଗତକାଲି ବଜାର ଆରମ୍ଭ ବେଳେ BSE ରେ ୦.୭୪ ପ୍ରତିଶତ ବୃଦ୍ଧି ପାଇ ୬୭,୪୮୧.୧୯ ପଏଣ୍ଟରେ କାରବାର ଶେଷ କରିଛି । ସେହିପରି NIFTY ୧୩୫ ପଏଣ୍ଟ ବା ୦.୬୭ ପ୍ରତିଶତ ବୃଦ୍ଧି ପାଇ ୨୦,୨୬୭.୯୦ ରେ ପହଞ୍ଚିଛି । କେବଳ ୨ ପ୍ରତିଶତରୁ ଅଧିକ ବୃଦ୍ଧି ମଧ୍ୟରେ ଲାର୍ସନ ଆଣ୍ତ ଟୁବ୍ରୋ, ଏନଟିପିସି, ଆଇଟିସି, ଏସିଆନ ପେଣ୍ଟ୍ସରେ ବୃଦ୍ଧି ଘଟିଛି ।
Also Read
ଅନ୍ୟପଟେ ମହିନ୍ଦ୍ରା ଆଣ୍ତ ମହିନ୍ଦ୍ରାର ସେୟାର ସବୁଠାରୁ ଅଧିକ ୧.୫୮ ପ୍ରତିଶତ ହ୍ରାସରେ ବନ୍ଦ ରହିଛି । ତେବେ ଜିଡିପିକୁ ନେଇ ଭାରତୀୟ ରିଜର୍ଭ ବ୍ୟାଙ୍କ ଅଭିବୃଦ୍ଧି ହାର ୬.୫ ପ୍ରତିଶତ ବୋଲି ପୂର୍ବାନୁମାନ କରିଛି । ଏପ୍ରିଲ-ଜୁନ୍ ମାସରେ ଭାରତୀୟ ଅର୍ଥନୀତି ୭.୮ ପ୍ରତିଶତ ଏବଂ ଜୁଲାଇ-ସେପ୍ଟେମ୍ବର ୨୦୨୨ ରେ ୬.୨ ପ୍ରତିଶତ ବୃଦ୍ଧି ପାଇଛି ।
ଗତ ନଭେମ୍ବର ୩୦ ରେ ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଅକ୍ଟୋବରରେ ଭାରତର ଆଠଟି କ୍ଷେତ୍ରରେ ୧୨.୧ ପ୍ରତିଶତ ଅଭିବୃଦ୍ଧି ହୋଇଛି । ଏହି ସମୟ ମଧ୍ୟରେ କେନ୍ଦ୍ର ସରକାରଙ୍କ ଆର୍ଥିକ ନିଅଣ୍ଟ ୮.୦୪ ଲକ୍ଷ କୋଟିରୁ ୭.୦୨ ଲକ୍ଷ କୋଟିକୁ ବୃଦ୍ଧି ପାଇଛି ।
