LIVE TV
2025 ପାଇଁ ଭୟଙ୍କର ଭବିଷ୍ୟବାଣୀ କରି ଯାଇଛନ୍ତି ବାବା ଭେଙ୍ଗା । ଏହି ଭବିଷ୍ୟବାଣୀ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ଥିଲା ଏଲି୍ୟନ୍ସଙ୍କ ଆଗମନ । ବାବା ଭେଙ୍ଗା କହିଛନ୍ତି, ୨୦୨୫ରେ ପୃଥିବୀକୁ ଆସିବେ ଏଲିୟନ୍ସ । ଯେହେତୁ ବାବା ଭେଙ୍ଗାଙ୍କ ଅନେକ ଭବିଷ୍ୟବାଣୀ ପୂର୍ବରୁ ସତ ହୋଇଛି ତେଣୁ ଏଲିଅନଙ୍କ ଆଗମନ ବି ସତ ହୋଇପାରେ । ଏମିତି ଏକ ଧାରଣା ସମସ୍ତଙ୍କ ମନରେ ରହିଛି । ଏଲିଅନକୁ ନେଇ ଆରମ୍ଭରୁ ଅନେକ ଉତ୍କଣ୍ଠା ରହିଛି । ବାବା ଭେଙ୍ଗାଙ୍କ ଭବିଷ୍ୟବାଣୀ ଶୁଣିବା ପରେ ସମସ୍ତଙ୍କ ମନରେ ଏବେ ପ୍ରଶ୍ନ, ସତରେ କ’ଣ ୨୦୨୫ରେ ଏଲିଅନ ଆସିବେ ? ଯଦି ଆସିବେ କେବେ ଆସିବେ ? କେଉଁଠିକୁ ଆସିବେ ? କେମିତି ହୋଇଥିବ ତାଙ୍କର ରୂପ ? ଶାନ୍ତ ରୂପରେ ଆସିବେ ନା ଭୟଙ୍କର ରୂପରେ ଆସିବେ ?
ବାବା ଭେଙ୍ଗାଙ୍କ କହିବା ଅନୁଯାୟୀ, ପୃଥିବୀଠାରୁ ହଜାର ହଜାର କିଲୋମିଟର ଦୂରରେ ରହୁଥିବା ଏଲିଅନ ୨୦୨୫ ଅକ୍ଟୋବର ମାସରେ ପୃଥିବୀକୁ ଫେରି ପାରନ୍ତି । କୁହାଯାଏ କିଛି ବର୍ଷ ଅନ୍ତରରେ ଏଲିଅନମାନେ ପୃଥିବୀକୁ ଫେରନ୍ତି ଏବଂ ନିଜର ପ୍ରଭାବ ଦେଖାଇଥାନ୍ତି । ବୈଜ୍ଞାନିକମାନେ ବି ଏଲିଅନଙ୍କ ସ୍ଥିତିକୁ ସ୍ୱୀକାର କରିଛନ୍ତି । ସେମାନେ କହିଛନ୍ତି, ପୂରା ବ୍ରହ୍ମାଣ୍ଡରେ ମଣିଷଙ୍କ ବ୍ୟତୀତ ଅନେକ ପ୍ରକାରର ପ୍ରାଣୀ ରହନ୍ତି ଆଉ ସେମାନେ ଆମ ପୃଥିବୀରେ ମଣିଷ ଦ୍ୱାରା ବିକଶିତ ଅତ୍ୟାଧୁନିକ ଗତିବିଧିଠାରୁ ବହୁତ ଆଗରେ ।
ଏଲିଅନକୁ ନେଇ ବାବା ଭେଙ୍ଗା ଆହୁରି କହିଛନ୍ତି, ଏମାନେ ପୂରା ମହାଦ୍ୱୀପରେ ବିପର୍ଯ୍ୟୟ ସୃଷ୍ଟି କରିବେ । ଏଲିଅନଙ୍କ ଆଗମନ ୨୦୨୫ ବର୍ଷରେ ହଜାର ହଜାର ଲୋକଙ୍କ ମୃତ୍ୟୁର କାରଣ ହୋଇପାରେ । ସେଥିପାଇଁ ୨୦୨୫ ବିନାଶର ବର୍ଷ ହୋଇପାରେ ବୋଲି ସେ ଆକଳନ କରିଛନ୍ତି । ଯାହା ବି ହେଉ, ଯଦି ଏଲିଅନମାନେ ପୃଥିବୀକୁ ଆସନ୍ତି ଏବଂ ସେମାନଙ୍କର ସନ୍ଧାନ ବୈଜ୍ଞାନିକମାନେ ପାଇ ପାରନ୍ତି ତେବେ ଏହା ଏକ ବଡ ସଫଳତା ହେବ ନିଶ୍ଚୟ ।
ଏହାବ୍ୟତୀତ ଆହୁରି ଅନେକ ଭୟଙ୍କର ଭବିଷ୍ୟବାଣୀ କରିଛନ୍ତି ବାବା ଭେଙ୍ଗା । ସେ କହିଛନ୍ତି, ପୁରା ୟୁରୋପରେ ଭୀଷଣ ଯୁଦ୍ଧ ଏବଂ ରାଜନୈତିକ ଅସ୍ଥିରତା ଦେଖା ଦେଇପାରେ । ଏହାର ପ୍ରଭାବ ପ୍ରକୃତି ପାଇଁ ବିନାଶକାରୀ ହୋଇପାରେ । ଏହି କାରଣରୁ ବିଶ୍ୱ ଜନସଂଖ୍ୟା ଭୟଙ୍କର ଭାବେ ହ୍ରାସ ପାଇବ । ଏହି ଅସ୍ଥିରତା ଧୀରେ ଧୀରେ ସାରା ବିଶ୍ୱକୁ ବ୍ୟାପି ଏକ ବଡ ବିପତ୍ତି ସୃଷ୍ଟି କରିବାର ଆଶଙ୍କା ମଧ୍ୟ ରହିଛି । ଏପରକି ୟୁରୋପର ଏହି ଯୁଦ୍ଧ ପାଇଁ ଏକ ବଡ ଅଞ୍ଚଳର ବିନାଶ ହୋଇପାରେ ବୋଲି ବାବା ଭେଙ୍ଗା କହିଛନ୍ତି ।
ଏସବୁ ବ୍ୟତୀତ ବାବା ଭେଙ୍ଗା ରାଶିମାନଙ୍କୁ ନେଇ ଏକ ବଡ କଥା କହିଛନ୍ତି । ୨୦୨୫ କେଉଁ କେଉଁ ରାଶି ପାଇଁ ଶୁଭ ବାର୍ତ୍ତା ନେଇ ଆସିବ, କେଉଁ କେଉଁ ରାଶିରେ ଅର୍ଥ ବର୍ଷା ହେବ ତାହାର ପୂର୍ବାନୁମାନ ସେ କରିଛନ୍ତି । ତାଙ୍କର କହିବା ଅନୁଯାୟୀ, ୨୦୨୫ରେ ୫ଟି ରାଶିର ବ୍ୟକ୍ତିଙ୍କ ଭାଗ୍ୟ ଚମକିବ । ଆସନ୍ତୁ ଜାଣିବା, କିଏ ସେହି ଭାଗ୍ୟଶାଳୀ ରାଶି ।
ମେଷ ରାଶିକୁ ମିଳିବ ବ୍ରହ୍ମାଣ୍ଡୀୟ ଆଶୀର୍ବାଦ
ବାବା ଭେଙ୍ଗାଙ୍କ କହିବା ଅନୁଯାୟୀ, ୨୦୨୫ ମେଷ ରାଶିର ବ୍ୟକ୍ତିଙ୍କ ପାଇଁ ବହୁତ ଭଲ ରହିବ । ଆର୍ଥିକ ଦିଗରୁ ଏମାନଙ୍କର ବହୁତ ଉନ୍ନତି ହେବାର ସମ୍ଭାବନା ରହିଛି । ଏହି ରାଶିର ବ୍ୟକ୍ତିମାନେ ସାଧାରଣତଃ ଗତିଶୀଳ ଏବଂ ମହତ୍ୱାକାଂକ୍ଷୀ ଅଟନ୍ତି । ଏମାନଙ୍କୁ ଚଳିତ ବର୍ଷ ଅଧିକ ରୋଜଗାରର ସୁଯୋଗ ମିଳିବ ଯେଉଁଥିରୁ ଏମାନେ ବେଶ ଲାଭ ଉଠାଇବେ । ବାବା ଭେଙ୍ଗା ମେଷ ରାଶି ବ୍ୟକ୍ତିଙ୍କ ପାଇଁ ବ୍ରହ୍ମାଣ୍ଡୀୟ ଆଶୀର୍ବାଦର ଭବିଷ୍ୟବାଣୀ କରିଛନ୍ତି । ଏହି ରାଶିର ଭାଗ୍ୟ ଏବଂ ଆର୍ଥିକ ସୁଯୋଗ ୨୦୨୫ରେ ଚମକିବ ବୋଲି ସେ ଆକଳନ କରିଛନ୍ତି ।
କୋଟିପତି ହେବେ ବୃଷ ରାଶିର ବ୍ୟକ୍ତି
ବୃଷ ରାଶିର ଲୋକମାନେ ସାଧାରଣତଃ ବେଶି ପରିଶ୍ରମୀ । ନିଜର ଆର୍ଥିକ ସ୍ଥିତିକୁ ନେଇ ସବୁବେଳେ ସଜାଗ ଥାଆନ୍ତି । ଚଳିତବର୍ଷ ବୃଷ ରାଶିର ଲୋକମାନେ ନିଜ କ୍ୟାରିଅରକୁ ନେଇ ବହୁତ ଆଗକୁ ବଢିବେ ଏବଂ ସେମାନଙ୍କର ଆର୍ଥିକ ଦିଗ ଖୁବ ଚମକିବ । ଏହି ରାଶିର ଲୋକେ ଦୀର୍ଘକାଳୀନ ନିବେଶ କରିବେ । ଯଦ୍ୱାରା ସେମାନଙ୍କୁ ସ୍ଥିରତା ଏବଂ ବିକାଶ ମିଳିବ । ବାବା ଭେଙ୍ଗା କହିଛନ୍ତି, ସମୟ ସହିତ ରୋଜଗାର କରିବାର ଦୃଢତା ଏବଂ ସ୍ଥିରତା ଏହି ରାଶିର ଲୋକଙ୍କୁ କୋଟିପତି କରି ଦେଇପାରେ ।
ମିଥୁନ ରାଶି ବ୍ୟକ୍ତିଙ୍କୁ ନିବେଶ କଲେ ମିଳିବ ପ୍ରଚୁର ଲାଭ
ବାବା ଭେଙ୍ଗା ଯେଉଁ ୫ଟି ରାଶିର ଭାଗ୍ୟୋଜ୍ଜ୍ୱଳ ହେବ ବୋଲି କହିଛନ୍ତି ତା ଭତରେ ରହିଛନ୍ତି ମିଥୁନ ରାଶର ବ୍ୟକ୍ତି । ୨୦୨୫ରେ ମିଥୁନ ରାଶି ଲୋକଙ୍କର ପ୍ରଚୁର ଲାଭ ହେବ । ଚଳିତ ବର୍ଷ ବେଶ ଭଲ ରୋଜଗାର କରିବାର ସୁଯୋଗ ଏମାନଙ୍କ ପାଇଁ ଆସିବ । ବିଜନେସ ଏବଂ କମ୍ୟୁନିକେଶନ କ୍ଷେତ୍ରରେ ମିଥୁନ ରାଶି ବ୍ୟକ୍ତିଙ୍କୁ ବେଶ ଫାଇଦା ମିଳିବ । ଏହି ଲୋକଙ୍କ ପାଖରେ ସହଜରେ ନେଟୱର୍କ ତିଆରି କରିବାର କ୍ଷମତା ଥାଏ । ଯଦ୍ୱାରା ସେମାନେ ଅନ୍ୟମାନଙ୍କୁ ପ୍ରଭାବିତ କରିପାରନ୍ତି । ନୂଆ ନୂଆ ବିଚାରକୁ ଆଣି ସେମାନେ ନିଜର ଆର୍ଥିକ ସ୍ଥିତିକୁ ମଜବୁତ କରିପାରବେ ।
ଠିକ ଜାଗାରେ ନିବେଶ କରି ଲାଭ ଉଠାଇବେ କର୍କଟ ରାଶିର ବ୍ୟକ୍ତି
କର୍କଟ ରାଶିର ଲୋକମାନେ ସାଧାରଣତଃ ବେଶି ସହଜ ପ୍ରକୃତିର ଅଟନ୍ତି ଯାହା ସେମାନଙ୍କୁ ଠିକ ନିଷ୍ପତ୍ତି ନେବା ଏବଂ ସମସ୍ୟାକୁ ସହଜରେ ଦୂର କରିବାରେ ସାହାଯ୍ୟ କରିଥାଏ । ବାବା ଭେଙ୍ଗାଙ୍କ କହିବା ଅନୁଯାୟୀ, ୨୦୨୫ରେ ଏହି ରାଶିର ଲୋକେ ଠିକ ଜାଗାରେ ଇନଭେଷ୍ଟମେଣ୍ଟ କରିବେ, ବ୍ୟାବସାୟିକ ବୁଝାମଣା କରିବେ କିମ୍ବା କିଛି ରଚନାତ୍ମକ କାମ କରିବେ ଯଦ୍ୱାରା ସେମାନଙ୍କୁ ପ୍ରଚୁର ଆର୍ଥକ ଲାଭ ମିଳିବ ।
କୁମ୍ଭ ରାଶି ପାଇଁ ହେବ ଐତିହାସିକ ବର୍ଷ
୨୦୨୫ କୁମ୍ଭରାଶି ବ୍ୟକ୍ତିର ଲୋକଙ୍କ ପାଇଁ ଐତିହାସିକ ସଫଳତା ଆଣିଦେବ । ଶନିଙ୍କ ପ୍ରବଳ ପ୍ରଭାବରେ ପ୍ରେରିତ ହୋଇ କୁମ୍ଭ ରାଶି ବ୍ୟକ୍ତିଙ୍କ ପାଖରେ ରଚନାତ୍ମକ ଶକ୍ତି ସୃଷ୍ଟି ହେବ । ଆତ୍ମବିଶ୍ୱାସ ବି ବଢିବ ଯାହା ସେମାନଙ୍କ ଆର୍ଥିକ ସ୍ଥିତିକୁ ଆହୁରି ମଜବୁତ କରିବ । ଏହି ରାଶିର ବ୍ୟକ୍ତିମାନେ ଯଦି ସୀମା ପାର କରିଯିବେ ଏବଂ ସାହସର ସହ ଳକ୍ଷ୍ୟ ହାସଲ କରିବା ପାଇଁ ଆଗେଇବେ ତେବେ ସାମ୍ନାରେ ଆସୁଥିବା ବିପଦ ସେମାନଙ୍କ ପାଇଁ ସୁଯୋଗରେ ପରିଣତ ହୋଇଯିବ । ଏହି ରାଶିର ବ୍ୟକ୍ତିମାନେ ନିଜ କ୍ୟାରିୟରର ସର୍ବୋଚ୍ଚ ଶିଖରରେ ପହଞ୍ଚିପାରିବେ ।
କିଏ ଏହି ବାବା ଭେଙ୍ଗା ?
ବାବା ଭେଙ୍ଗା ଜଣେ ବୁଲଗେରିଆାନ ଭବିଷ୍ୟବକ୍ତା । ୧୯୧୧ରେ ବାବା ଭେଙ୍ଗାଙ୍କର ଜନ୍ମ ରୁଷର ଓଟୋମନ ସାମ୍ରାଜ୍ୟରେ ହୋଇଥିଲା । ୧୯୯୬ରେ ୮୬ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା । ୧୨ ବର୍ଷ ବୟସରେ ଏକ ଭୟଙ୍କର ବାତ୍ୟା ଆସିଥିଲା ଯେଉଁଥିରେ ସେ ତାଙ୍କର ଦୃଷ୍ଟିଶକ୍ତି ହରାଇଥିଲେ । ସେବେଠାରୁ ତାଙ୍କ ପାଇଁ ସାରା ଦୁନିଆ ଅନ୍ଧାର ପାଲଟି ଯାଇଥିଲା । ହେଲେ ସେହି ଅନ୍ଧକାର ଭିତରେ ଦୂର ଦୂରାନ୍ତର ଭବିଷ୍ୟତ ଦେଖି ପାରିଥିଲେ । ସେ ବର୍ଷ ୫୦୭୯ ପର୍ଯ୍ୟନ୍ତ ଭବିଷ୍ୟବାଣୀ କରି ଯାଇଛନ୍ତି । ସେ ସୋଭଏତ ରୁଷର ପତନ, ଆମେରିକାରେ ଆତଙ୍କୀ ଆକ୍ରମଣ୯/୧୧ ଘଟଣା ବିଷୟରେ ମଧ୍ୟ ଭବିଷ୍ୟବାଣୀ କରିଥିଲେ ଯାହା ସତ ହୋଇଥିଲା ।
