LIVE TV
ବୋଇତ ବନ୍ଦାଣ ବେଳେ ଅଘଟଣ । ଡଙ୍ଗା ଭସାଇବା ବେଳେ କେନାଲରେ ଭାସି ଯାଇ ଯୁବକ ମୃତ । ତାଳଚେର ସମଲ ରାଇଟ୍ କେନାଲରେ ଏ ଦୁର୍ଘଟଣା ଘଟିଛି । ମୃତକ ହେଲେ ପାଲଲହଡ଼ା ଚଷା ଗୁରୁଜାଙ୍ଗ ଗାଁର ଆଶିଷ ସାହୁ ।
ସୂଚନା ଅନୁସାରେ, ଆଜି ସକାଳୁ ବୋଇତ ଭସାଇବାକୁ ସମଲ ସ୍ଥିତ ରାଇଟ କେନାଲକୁ ଆଶିଷ ଯାଇଥିବା ବେଳେ କେନାଲରେ ଭାସି ଯାଇଥିଲେ । ପରେ କିଛି ଦୂରରେ ତାଙ୍କ ମୃତଦେହ ଭାସୁଥିବା ଦେଖି ଲୋକେ ପୋଲିସ ଏବଂ ଅଗ୍ନିଶମ ବାହିନୀକୁ ସେ ଖବର ଦେଇଥିଲେ ।
ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିବା ସହ ପୋଷ୍ଟମର୍ଟମ ପାଇଁ ପଠାଇଛି ।
