LIVE TV
ନିଆଁର ଆଁରେ ଚାଲିଗଲା ଜୀବନ । ଉତ୍ତରପ୍ରଦେଶର ଝାନ୍ସୀ (Jhansi) ସ୍ଥିତ ସିପରି ବଜାରରେ (Sipri Bazar) ସୋମବାର ଦିନ ନିଆଁ ଲାଗି ୪ ଜଣଙ୍କ ମୃତ୍ୟୁ ହୋଇଛି । ସିପରି ବଜାରର ଏକ ଇଲେକ୍ଟ୍ରୋନିକ ସୋ' ରୁମ୍ରେ ଏହି ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ଆଖପାଖ ଦୋକାନକୁ ମଧ୍ୟ ନିଆଁ ବ୍ୟାପି ଯାଇଛି । ଖବର ପାଇବା ପରେ ୮୦ଟି ଅଗ୍ନିଶମ ବାହିନୀ ଗାଡ଼ି ପହଞ୍ଚି ନିଆଁ ଆୟତ୍ତ କରିଛନ୍ତି ।
ଜିଲ୍ଲା ମାଜିଷ୍ଟ୍ରେଟ ରବିନ୍ଦ୍ର କୁମାର କହିଛନ୍ତି, "ଏହା ଏକ ଦୁଃଖଦ ଘଟଣା । ଅଗ୍ନିକାଣ୍ଡର କାରଣ ଅନୁସନ୍ଧାନ ପାଇଁ ତଦନ୍ତ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।" ଏଥି ସହିତ ଏସଏସପି ରାଜେଶ କହିଛନ୍ତି, ସିପରି ବଜାରରେ ଅଚାନକ୍ ନିଆଁ ଲାଗିଥିଲା । ଅଗ୍ନିଶମ ବାହିନୀ, ପୋଲିସ ଏବଂ ସ୍ଥାନୀୟ ଲୋକଙ୍କ ମିଳିତ ଉଦ୍ୟମ କ୍ରମେ ନିଆଁକୁ ନିୟନ୍ତ୍ରଣକୁ ଅଣାଯାଇଛି । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
Also Read
#WATCH मौके से 3 और शवों को बरामद किया गया है। अभी तक मृतकों की संख्या 4 है। बरामद किए गए तीनों शवों का पंचायत नामा कराया जाएगा। अभी पुलिस मौके पर मौजूद है। दुकानों को फिर से चेक किया जा रहा है: राजेश एस., SSP, झांसी https://t.co/vALOOee3g3 pic.twitter.com/XaHJLdyr1z
— ANI_HindiNews (@AHindinews) July 3, 2023
ଏସଏସପି ଆହୁରି କହିଛନ୍ତି, ପ୍ରଥମେ ୭ଜଣଙ୍କୁ ଉଦ୍ଧାର କରାଯାଇଥିଲା । ସେଥିମଧ୍ୟରୁ ଜଣେ ମହିଳା ଚିକିତ୍ସିତ ଅବସ୍ଥାରେ ପ୍ରାଣ ହରାଇଛନ୍ତି । ଘଟଣାସ୍ଥଳରେ ୩ ଜଣଙ୍କ ଜୀବନ ଯାଇଥିବା ବେଳେ ହସ୍ପିଟାଲରେ ଜଣଙ୍କର ମୃତ୍ୟ ହୋଇଛି । ସୋ' ରୁମ୍ ବାହାରେ ଥିବା ଶତାଧିକ ଗାଡ଼ି ଜଳିପୋଡ଼ି ପାଉଁଶ ହୋଇଯାଇଛି ।
‘ବର୍ତ୍ତମାନ ଆମେ ଘଟଣାସ୍ଥଳରେ ଉପସ୍ଥିତ ଅଛୁ । ନିଆଁ ଲାଗିଥିବା ଦୋକାନ ଗୁଡ଼ିକ ପୁଣି ଥରେ ଯାଞ୍ଚ କରିବାକୁ ପଡିବ । ଯେଉଁଠାରେ ସନ୍ଦେହ ଅଛି, ସେଗୁଡ଼ିକର ପୁନର୍ବାର ଯାଞ୍ଚ କରାଯିବ ।’
