ଭୟାନକ ଦୃଶ୍ୟ: କାର୍‌, ବାଇକ୍‌ ସହ ଧକ୍କା ହୋଇ ହୁତୁହୁତୁ ହୋଇ ଜଳିଗଲା ବିମାନ, ୧୦ ମୃତ

କାର୍‌, ବାଇକ୍‌ ସହ ଧକ୍କା ହୋଇ ହୁତୁହୁତୁ ହୋଇ ଜଳିଗଲା ବିମାନ। ଗୁରୁବାର ଦିନ ମାଲେସିୟା ରାଜଧାନୀ ନିକଟ ଏକ ୪ ଲେନ୍‌ ବିଶିଷ୍ଟ ରାସ୍ତାରେ ଏହି ଦୁର୍ଘଟଣା ଘଟିଛି। ଏଥିରେ ୧୦ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ବିମାନରେ ଥିବା ୮ ଜଣ ବ୍ୟକ୍ତି ଓ ୨ ଜଣ ଚାଳକ(ଜଣେ କାର୍‌ ଡ୍ରାଇଭର ଓ ଅନ୍ୟ ଜଣେ ବାଇକ୍‌ ଚାଳକ) ଅଛନ୍ତି। 

ଦୁର୍ଘଟଣା ପରେ ସ୍ଥାନୀୟ ଅଞ୍ଚଳ ପୁରା ଧୂଆଁମୟ ହୋଇଯାଇଥିଲା। ଯାହାର ଦୃଶ୍ୟ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି। ଦୁର୍ଘଟଣା ସମୟରେ ବିଚ୍‌କ୍ରାଫ୍ଟ ମଡେଲ୍‌ ୩୯୦ ବିମାନରେ ୬ ଜଣ ଯାତ୍ରୀ ଓ ୨ ଜଣ ବିମାନ କ୍ରିୟୁ ଥିଲେ।

📹 Soya_Cincau pic.twitter.com/XMsBrwLNNF

— Breaking Aviation News & Videos (@aviationbrk) August 17, 2023

ସୂଚନା ଅନୁସାରେ, ଏହି ଛୋଟ ବିମାନଟି ଲଙ୍ଗକୱିର ଉତ୍ତର ରିସର୍ଟ ଦ୍ୱୀପରୁ ଉଡ଼ାଣ ଭରି ସୁଲତାନ ଅବଦୁଲ୍‌ ଅଜିଜ୍‌ ଶାହ ବିମାନବନ୍ଦର ଅଭିମୁଖେ ଯାତ୍ରା କରୁଥିଲା। ହେଲେ ଏହି ସମୟରେ ବିମାନଟି ହଠାତ୍‌ ରାସ୍ତାରେ କାର୍‌ ଓ ବାଇକ୍‌ ସହ ଆସି ଧକ୍କା ହୋଇ ଜଳି ଯାଇଥିଲା। ତେବେ କେଉଁ କାରଣ ପାଇଁ ବିମାନଟି ଦୁର୍ଘଟଣାଗ୍ରସ୍ତ ହେଲା ସେନେଇ ତଦନ୍ତ କରାଯିବ ବୋଲି ଜଣାପଡ଼ିଛି। 

Beechcraft Premier I carrying six passengers and two crew crashes while attempting to land at Sultan Abdul Aziz Shah Airport in Malaysia. pic.twitter.com/XppomvROvt

— Breaking Aviation News & Videos (@aviationbrk) August 17, 2023

OTV is now on Whatsapp

Join and get latest news update delivered to you via whatsapp

Join Now