LIVE TV
ତାଜ୍ ଏକ୍ସପ୍ରେସରେ ଭୟଙ୍କର ଅଗ୍ନିକାଣ୍ଡ। ଆଜି ଅପରାହ୍ନରେ ଦିଲ୍ଲୀର ସରିତା ବିହାର ନିରକଟରେ ଏହି ଅଗ୍ନିକାଣ୍ଡ ଘଟିଛି। ଏକ୍ସପ୍ରେସର ୩ଟି କୋଚ୍ରେ ନିଆଁ ଲାଗି ସଂପୂର୍ଣ୍ଣ ନଷ୍ଟ ହୋଇଯାଇଛି। ତୁରନ୍ତ ଦିଲ୍ଲୀ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଚଳାଇଛି। ତେବେ କୌଣସି ମୃତାହତ ଖବର ମିଳିନି।
Also Read
ରେଲୱେ ଡିସିପିଙ୍କ ସୂଚନା ଅନୁସାରେ, ଏକ୍ସପ୍ରେସଟି ଦିଲ୍ଲୀ-ଆଗ୍ରା ମଧ୍ୟରେ ଚାଲିଥାଏ। ଆଜି ଅପରାହ୍ନ ୪ଟା ୪୧ରେ ଏକ୍ସପ୍ରେସରେ ନିଆଁ ଲାଗିଥିବା ସୂଚନା ମିଳିଥିଲା। ଟ୍ରେନଟି ଚହଲା ରେଳ ଷ୍ଟେସନ ପହଞ୍ଚିବା ପୂର୍ବରୁ ନିଆଁ ଲାଗିସାରିଥିଲା। ନିଆଁ ଲାଗିବା ପରେ ଟ୍ରେନକୁ ଅଟକାଇ ଦିଆଯାଇଥିଲା। ତୁରନ୍ତ ପାଞ୍ଚଟି ଅଗ୍ନିଶମ ବାହିନୀ ଘଟଣାସ୍ଥଳକୁ ପଠାଯାଇଥିଲା।
दिल्ली के सरिता विहार में ताज एक्सप्रेस के कोच में भीषण आग लग गई। मौके पर दमकल की गाड़ियां पहुंच गई हैं, जो आग बुझाने में जुटी हैं।#Fire #DelhiFire #TajExpress #TrainFire
क्लिक कर पढ़ें पूरी खबर..https://t.co/MnoalD7ULo pic.twitter.com/L4f5yDw0L6— Gautam Geetarjun (गीतार्जुन) (@GautamGeetarjun) June 3, 2024
ଘଟଣାସ୍ଥଳରେ ତାଜ ଏକ୍ସପ୍ରେସ ଟ୍ରେନର ତିନିଟି କୋଚରେ ନିଆଁ ଲାଗିଥିବାର ଦେଖିବାକୁ ମିଳିଥିଲା। ଅଗ୍ନିଶମବାହିନୀ କର୍ମଚାରୀ ନିଆଁ ଲିଭାଇବା କାମ ଚଳାଇଛନ୍ତି। ନିଆଁ ଲାଗିବା ବେଳେ କୋଚ୍ରେ ଥିବା ସମସ୍ତ ଯାତ୍ରୀ ବଗିରୁ ଓହ୍ଲାଇଯାଇଥିଲେ ଅଥବା ଅନ୍ୟ କୋଚକୁ ଯାଇଥିଲେ । ସଂପୂର୍ଣ୍ଣ ନିଆଁ ଲାଗିବା ବେଳକୁ କୋଚ୍ଟି ଖାଲି ଥିଲା।
ତେବେ ନିଆଁ ଲାଗିବାର ପ୍ରକୃତ କାରଣ ଏଯାଏ ସ୍ପଷ୍ଟ ହୋଇନାହିଁ। ରେଳ ବିଭାଗର ଅଧିକାରୀ ପହଞ୍ଚି ଘଟଣାର ତଦନ୍ତ କରୁଛନ୍ତି। ଖୁବଶୀଘ୍ର ନିଆଁ ଲାଗିବାର କାରଣ ଜଣାପଡିବ ଓ ତଦନ୍ତ ହେବ ବୋଲି ରେଲୱେ ଡିସିପି ସୂଚନା ଦେଇଛନ୍ତି।
