Bus Accident in Khordha: ଭୁବନେଶ୍ୱରରୁ ଯାଉଥିବା ବସ୍‌ ଓଲଟିଲା, ଥିଲେ ୫୦ ଯାତ୍ରୀ

ଜାତୀୟ ରାଜପଥରେ ବସ୍‌ ଦୁର୍ଘଟଣା । ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଲା ଯାତ୍ରୀବାହୀ ବସ୍ । ଖୋର୍ଦ୍ଧାର ପିତାପଲ୍ଲୀଠାରେ ଆଜି ଏହି ଦୁର୍ଘଟଣା ଘଟିଛି । ଏଥିରେ ୭ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ବସ୍‌ରେ ପ୍ରାୟ ୫୦ ଜଣ ଯାତ୍ରୀ ଥିଲେ । ନୀଳକଣ୍ଠ ନାମକ ବସ୍‌ଟି ଭୁବନେଶ୍ୱରରୁ ଆସ୍କା ଯାଉଥିଲା ବେଳେ ଦୁର୍ଘଟଣାଗ୍ରସ୍ତ ହୋଇଛି । ଆହତ ଯାତ୍ରୀମାନଙ୍କୁ ଉଦ୍ଧାର କରାଯାଇ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ଖୋର୍ଦ୍ଧା ପିତାପଲ୍ଲୀଠାରେ ଓଲଟିଲା ଯାତ୍ରୀବାହୀ ବସ୍ । ବସ୍‌ରେ ପ୍ରାୟ ୫୦ ଯାତ୍ରୀ ଥିଲେ । ୭ ଯାତ୍ରୀ ଆହତ ହୋଇଛନ୍ତି । #BusAccident#Odisha#Bhubaneswar#OTVpic.twitter.com/Xgfy13ktQG

— ଓଟିଭି (@otvkhabar) June 15, 2025

ଦୁର୍ଘଟଣାରେ ବସ୍‌ର କାଚ ଏବଂ ସମ୍ମୁଖ ଭାଗ ପୂରା ଚୁରମାର୍‌ ହୋଇଯାଇଛି । ବସ୍‌ର ଗୋଟିଏ ଚକା ବାହାରି ଯାଇଥିବା ବି ଦେଖାଯାଇଛି ।ଖବର ପାଇ ପୋଲିସ୍ ଦୁର୍ଘଟଣାସ୍ଥଳରେ ପହଞ୍ଚିଛି । ରାସ୍ତା ଉପରୁ ଦୁର୍ଘଟଣାଗ୍ରସ୍ତ ବସ୍‌କୁ ହଟାଯାଇ ଯାତାୟତ ସ୍ୱାଭାବିକ କରାଯାଉଛି । ତେବେ କେମିତି ଏହି ଦୁର୍ଘଟଣା ହେଲା ସେନେଇ ଛାନଭିନ୍‌ ଜାରି ରହିଛି । 

ଅଧିକ ପଢନ୍ତୁ: ଯାଜପୁରରେ ଅଣାୟତ୍ତ, ଏଣେ କଟକ ଜିଲ୍ଲାକୁ ବ୍ୟାପିଲା