ଟ୍ରକ୍‌ ନା ଯମ ! ଏକାଧିକ ଗାଡ଼ିକୁ ଚାପିଦେଲା, ୧୫ ଜଣଙ୍କ ଜୀବନ ନେଲା...

ଯମ ପରି ମାଡ଼ି ଆସିଲା ଟ୍ରକ୍ । ଗୋଟିଏ ପରେ ଗୋଟିଏ ଗାଡ଼ିକୁ ଚପାଇ ଚାଲିଲା । ଆଉ ଜୀବନ ପରେ ଜୀବନ ନେଇ ଚାଲିଲା । ଗୋଟିଏ କି ଦୁଇଟି ନୁହେଁ ଏକାଥରକେ ୧୫ ଜଣଙ୍କ ଜୀବନ ନେଇଗଲା ସେହି ଯମ ରୁପି ଟ୍ରକ୍ । ଏହି ଦୁର୍ଘଟଣା ମହାରାଷ୍ଟ୍ର ଧୁଲେ ନିକଟ ମୁମ୍ବାଇ-ଆଗ୍ରା ହାଇୱେରେ ଘଟିଛି । ପାଲସନର ଗାଁରୁ ଏହି ଟ୍ରକ୍‌ଟି ଅନ୍ୟ ଗାଡ଼ିଗୁଡ଼ିକୁ ଧକ୍କା ଦେବା ଆରମ୍ଭ କରିଥିବା ବେଳେ ଏହା ମଧ୍ୟପ୍ରଦେଶ ସୀମାରେ ଥିବା ସିରିପୁର ତାଲୁକା ଜିଲ୍ଲା ପର୍ଯ୍ୟନ୍ତ ଏଭଳି ଦୁର୍ଘଟଣା ପରେ ଦୁର୍ଘଟଣା ଭିଆଇ ଚାଲିଥିଲା । ଆଜି ସକାଳୁ ଅର୍ଥାତ୍ ମଙ୍ଗଳବାର ସକାଳୁ ସକାଳୁ ଏହି ଦୁର୍ଘଟଣା ଘଟିଛି । 

ସ୍ଥାନୀୟ ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଟ୍ରକ୍‌ର ବ୍ରେକ୍‌ ଫେଲ୍‌ ହେବାରୁ ଏଭଳି ପରିସ୍ଥିତି ଉପୁଜିଥିଲା । ଅନେକ ଦୁଇ ଚକିଆକୁ ଧକ୍କା ଦେବା ସହ ୪ ଚକିଆକୁ ମଧ୍ୟ ଟ୍ରକ୍‌ଟି ଧକ୍କା ଦେଇଛି । ଏମିତିକି ଅନେକ ଗାଡ଼ି ଟ୍ରକ୍‌ ଚକା ତଳେ ଚାପି ହୋଇଯାଇଛନ୍ତି । ଯାହାଫଳରେ ପ୍ରାୟ ୧୫ ଜଣଙ୍କ ଜୀବନ ଯାଇଛି । ଶେଷରେ ଟ୍ରକ୍‌ଟି ଓଲଟି ପଡ଼ିବା ସହ ଘୋଷାଡ଼ି ହୋଇ ଏକ ବସ୍‌ଷ୍ଟପ୍‌ରେ ଯାଇ ଧକ୍କା ହୋଇଥିଲା ।

VIDEO | At least 15 people reportedly killed in an accident involving a truck and several vehicles on the Mumbai-Agra Highway in Dhule, Maharashtra. pic.twitter.com/49JmnBSUJs

— Press Trust of India (@PTI_News) July 4, 2023