LIVE TV
ଗଙ୍ଗା ନଦୀରେ ଓଲଟି ପଡ଼ିଲା ଡଙ୍ଗା । ମଝି ନଈରେ କାଳ ସାଜି ଆସିଲା ମୃତ୍ୟୁ । ଏଥିରେ ୪ ଜଣ ମହିଳାଙ୍କ ଜୀବନ ଚାଲିଯାଇଛି ଓ ଅନେକ ଆହତ ହୋଇଛନ୍ତି । ଡଙ୍ଗାରେ ୩୦ ଜଣ ଯାତ୍ରୀ ସବାର ଥିବାବେଳେ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଆଶା କରାଯାଉଛି । ଉତ୍ତରପ୍ରଦେଶର ବଲିଆ ଅଞ୍ଚଳର ମାଲ୍ଲେଦୁର ଗଙ୍ଗା ଘାଟରେ ଏହି ଦୁର୍ଘଟଣା ଘଟିଛି । ଏହି ଘଟଣା ପରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ।
ଡଙ୍ଗା ବୁଡ଼ିଯିବା ପରେ କିଛି ଲୋକ ପହଁରି ପହିଁରି କୂଳକୁ ପଳାଇ ଆସିଥିଲେ । ହେଲେ ସେମାନଙ୍କ ମଧ୍ୟରୁ ଅନେକ ମହିଳା ନଦୀର ପ୍ରଖର ସ୍ରୋତରେ ଭାସି ଯାଇଛନ୍ତି । ଜୋରସୋରରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଘଟଣାସ୍ଥଳରେ ଉପସ୍ଥିତ ଅଛନ୍ତି ବାଲିଆ ଜିଲ୍ଲାପାଳ । ଏହି ଘଟଣାରେ ଚାରି ଜଣ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
Also Read
यूपी के बलिया में मुंडन संस्कार के दौरान नाव हादसा। हादसे में 4 लोगों की मौत हो गई वही 3 लोगों को इलाज के लिए जिला अस्पताल में भर्ती कराया गया। फेफना थाना क्षेत्र के माल्देपुर घाट पर मुंडन संस्कार के दौरान लगभग 40 लोग नाव पर होकर गंगा नदी के पार जा रहे थे जहाँ नाव डूब गई। pic.twitter.com/5ibsfMOcdd
— Ajay Bharti (@AjayBha80948198) May 22, 2023
ସୂଚନା ଅନୁସାରେ ବାଲିଆର ଖେଜୁରୀ ଥାନା ଅନ୍ତର୍ଗତ ଏକ ଗାଁର ମହିଳା ଓ ପୁରୁଷ ଓହର ପରମ୍ପରା ଅନୁଯାୟୀ ନଦୀ କୂଳରେ ଏକାଠି ହୋଇଥିଲେ । ଏହି ପରମ୍ପରାରେ ଡଙ୍ଗା ସାହାଯ୍ୟରେ ଗଙ୍ଗା ପାର ହେବାର ନୀତି ରହିଛି । ସେଥିପାଇଁ ମହିଳା ଏବଂ ପୁରୁଷମାନେ ସାଥୀ ହୋଇ ପାର ହେଉଥିବା ସମୟରେ ହଠାତ୍ ଡଙ୍ଗାଟି ଓଲଟି ପଡିଥିଲା । ସୌଭାଗ୍ୟବଶତଃ ଦୁର୍ଘଟଣାସ୍ଥଳରେ ଏକ ଦଉଡି ବନ୍ଧା ହୋଇଥିଲା, ଫଳରେ କିଛି ପୁରୁଷ ଦଉଡ଼ି ଧରି ବାହାରକୁ ପଳାଇ ଆସିଥିଲେ । କିନ୍ତୁ ମହିଳାମାନେ ତୁରନ୍ତ ବାହାରି ନପାରି ଫସିଯାଇଥିଲେ ।
ତେବେ ଦୁର୍ଘଟଣା ପଛରେ ତିନୋଟି କାରଣ ଥିବା କୁହାଯାଉଛି । ଡଙ୍ଗାରେ କ୍ଷମତା ଠାରୁ ଅଧିକ ଲୋକ ଯାତ୍ରା କରିବା ତଥା ଇଞ୍ଜିନରେ ଗଡ଼ବଡ଼ି ଯୋଗୁଁ ଦୁର୍ଘଟଣା ଘଟିଛି । ସେହିପରି ଅନ୍ୟ ଏକ କାରଣ ହେଲା ନଦୀ ମଝିରେ ପ୍ରବଳ ପବନ ହେବାରୁ ଡଙ୍ଗା ସନ୍ତୁଳନ ହରାଇଥିଲା । ଅନ୍ୟପଟେ ଏବେ ଡଙ୍ଗା ଚଳାଉଥିବା ଲୋକ ଘଟଣାସ୍ଥଳରୁ ଫେରାର ଅଛି ।
