ଦିଲ୍ଲୀ ରାଜେନ୍ଦ୍ରନଗର ଛାତ୍ର ମୃତ୍ୟୁ ଘଟଣାରେ ଦାୟୀ କିଏ ?

ଦିଲ୍ଲୀ ଛାତ୍ର ମୃତ୍ୟୁ ଘଟଣାର ଦାୟୀ କିଏ ? କାହିଁକି ୩ ଛାତ୍ରଙ୍କ ଜୀବନ ଗଲା ? ରାଜେନ୍ଦ୍ରନଗର ସ୍ଥିତ ରାଓ ଆଇଏଏସ୍ କୋଟିଂ ଏକାଡେମୀର ବେସମେଣ୍ଟରେ ପାଣି ପଶି ୩ ଛାତ୍ରଙ୍କ ମୃତ୍ୟୁ ପରେ ଏବେ କାରଣ ଖୋଜୁଛି ପୋଲିସ ।

ମୃତ ମଧ୍ୟରେ ୨ଜଣ ଯୁବତୀ ଜଣେ ଯୁବକ ଅଛନ୍ତି । ଫସିଥିବା ୧୦ରୁ ଅଧିକ ଛାତ୍ରଙ୍କୁ ଉଦ୍ଧାର କରିଛି ପୋଲିସ । ସେମାନଙ୍କ ମଧ୍ୟରୁ ଗୁରୁତର ୩ ଛାତ୍ରଙ୍କୁ ମେଡିକାଲ ସ୍ଥାନାନ୍ତର କରିଛି ପୋଲିସ । ପମ୍ପ ଲଗାଇ ଘଟଣାସ୍ଥଳରୁ ଜଳ ନିଷ୍କାସନ କରାଯାଉଛି ।

ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ସନ୍ଦେହ କରୁଛି ପୋଲିସ । ଘଟଣାରେ ଏକ ଅପରାଧିକ ମାମଲା ରୁଜୁ କରିଛି ପୋଲିସ, ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି । ସେପଟେ ଘଟଣାନେଇ ଆପ୍ ସରକାର ଓ ବିଜେପି ଆରମ୍ଭ ହୋଇଛି ଦୋଷ ଲଦାଲଦି । ସେପଟେ ଘଟଣାର ମାଜିଷ୍ଟ୍ରେଟ ସ୍ତରୀୟ ତଦନ୍ତ କରି ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ରାଜସ୍ବ ମନ୍ତ୍ରୀ ଅତିଶି ।

ଅନ୍ୟପଟେ ଛାତ୍ରମୃତ୍ୟୁ ନେଇ ତାତିଛନ୍ତି ଆଇଏଏସ କୋଚିଂ ନେଉଥିବା ଛାତ୍ରଛାତ୍ରୀ । ଘଟଣାସ୍ଥଳରେ ବସି ନାରାବାଜି କରିବା ସହ ଦିଲ୍ଲୀମହାନଗର ନିଗମ ବିରୋଧରେ ବର୍ଷିଛନ୍ତି । ଅଭିଯୋଗ କରିଛନ୍ତି ଯେ ଦିଲ୍ଲୀ ସରକାର ଘଟଣାସ୍ଥଳକୁ ନଆସି ଏସରୁମରୁ ଥାଇ ନିର୍ଦ୍ଦେଶ ଦେଉଛନ୍ତି । ସ୍ଥାନୀୟ ଅଞ୍ଚଳରେ  ୮୦ ପ୍ରତିଶତ ଲାଇବ୍ରେରୀ ବେସମେଣ୍ଟ ରେ ଥିବା ଛାତ୍ରଛାତ୍ରୀ ଅଭିଯୋଗ କରିଛନ୍ତି ।