LIVE TV
ପୋରବନ୍ଦର ଉପକୂଳ ନିକଟରେ ବଡ଼ ଅଘଟଣ । ଭାରତୀୟ ତଟରକ୍ଷୀ ବାହିନୀର ALH ହେଲିକପ୍ଟର ଦୁର୍ଘଟଣାଗ୍ରସ୍ତ । ପୋରବନ୍ଦର ଉପକୂଳ ନିକଟ ଆରବ ସାଗରରେ ଏମର୍ଜେନ୍ସି ଲ୍ୟାଣ୍ଡିଂ ବେଳେ ଏହି ଅଘଟଣ ଘଟିଛି । ହେଲିକପ୍ଟରରେ ଚାରିଜଣିଆ ଚାଳକ ଟିମ୍ ରହିଥିଲେ । ତଟରକ୍ଷୀ ବାହିନୀର ସୂଚନା ଅନୁଯାୟୀ ଚାଳକ ଟିମର ଜଣେ ସଦସ୍ୟଙ୍କୁ ଉଦ୍ଧାର କରାଯାଇଛି ମାତ୍ର ଏବେବି ନିଖୋଜ ତିନିଜଣ ସଦସ୍ୟଙ୍କୁ ଖୋଜା ଚାଲିଛି।
ଅଧିକ ପଢ଼ନ୍ତୁ: କେଦାରନାଥରେ ହେଲିକପ୍ଟର କ୍ରାସ୍; ବାୟୁସେନା ବିମାନରେ ସ୍ଥାନାନ୍ତର ବେଳେ ଦୁର୍ଘଟଣା
ତଟରକ୍ଷୀ ବାହିନୀ ପକ୍ଷରୁ କୁହାଯାଇଛି ଯେ, ଅବତରଣ ପାଇଁ ହେଲିକପ୍ଟର ଜାହାଜ ପାଖକୁ ଯିବା ସମୟରେ ଏହି ଦୁର୍ଘଟଣା ଘଟିଛି । ନିଖୋଜ ତିନିଜଣ ସଦସ୍ୟଙ୍କୁ ଖୋଜିବାକୁ ଜୋରଦାର ଉଦ୍ୟମ ଜାରିରହିଛି । ସର୍ଚ୍ଚ ଅପରେସନରେ ୪ଟି ଜାହାଜ ଓ ଦୁଇଟି ବିମାନକୁ ନିୟୋଜିତ କରାଯାଇଛି । ବିମାନର କିଛି ଅଂଶକୁ ମଧ୍ୟ ଉଦ୍ଧାର କରାଯାଇଛି ।
Also Read
ଗତକାଲି ବିଳମ୍ବିତ ରାତିରେ ଗୁଜରାଟର ପୋରବନ୍ଦର ଉପକୂଳରେ ଏକ ରେସ୍କ୍ୟୁ ଅପରେସନ ବେଳେ ଆରବ ସାଗରରେ ଜରୁରୀ ଅବତରଣ ପାଇଁ ବାଧ୍ୟ ହେଇଥିଲା ଭାରତୀୟ ତଟରକ୍ଷୀ ବାହିନୀର ଆଡଭାନ୍ସ ଲାଇଟ୍ ହେଲିକପ୍ଟର(ALH)। ହେଲିକପ୍ଟରରେ ଏହି ସମୟରେ ୪ ଜଣ ସଦସ୍ୟ ରହିଥିଲେ ଓ ସେମାନଙ୍କ ମଧ୍ୟରୁ ଜଣଙ୍କୁ ଉଦ୍ଧାର କରାଯାଇ ସାରିଛି ।
ଏକ ବିବୃତିରେ ଭାରତୀୟ ତଟରକ୍ଷୀ ବାହିନୀ ପକ୍ଷରୁ କୁହାଯାଇଛି ଯେ, ନିକଟରେ ଗୁଜରାଟ ବାତ୍ୟା ସମୟରେ ୬୭ ଜଣଙ୍କୁ ଉଦ୍ଧାର କରିଥିବା ଭାରତୀୟ ତଟରକ୍ଷୀ ବାହିନୀର ଏଏଲଏଚ୍ ହେଲିକପ୍ଚର ସେପ୍ଟେମ୍ବର ୨ ତାରିଖ ରାତି ପ୍ରାୟ ୧୧ଟା ସମୟରେ ଏକ ରେସ୍କ୍ୟୁ ଅପରେସନ ପାଇଁ ଯାଇଥିଲା । ପୋରବନ୍ଦରରୁ ପ୍ରାୟ ୪୫ କିଲୋମିଟର ଦୂର ଆରବ ସାଗର ଭିତରକୁ ଜଣେ ଆହତ ସଦସ୍ୟଙ୍କୁ ଉଦ୍ଧାର ପାଇଁ ଯାଇଥିବାବେଳେ ଜରୁରୀ ଅବତରଣ ଆବଶ୍ୟକତା ପଡ଼ିଥିଲା । ଭାରତୀୟ ପତାକା ଲାଗିଥିବା ଏକ ମୋଟର ଟ୍ୟାଙ୍କର ହରି ଲିଲାର ମାଷ୍ଟରଙ୍କ ଠାରୁ ରେସକ୍ୟୁ ପାଇଁ ଅନୁରୋଧ ପାଇବା ପରେ ଉଡ଼ାଣ ଭରିଥିଲା ହେଲିକପ୍ଟର ।
ଅଧିକ ପଢ଼ନ୍ତୁ: ପୋଲିସ ଭ୍ୟାନକୁ ପିଟିଲା ୧୦୮ ଆମ୍ବୁଲାନ୍ସ; ହୋମଗାର୍ଡ ମୃତ, ଆଇଆଇସି ଆହତ
On 02 Sep 2024, @IndiaCoastGuard ALH helicopter was launched at 2300 hrs to evacuate an injured crew member from the Motor Tanker Hari Leela off #Porbandar, #Gujarat. The helicopter had to make an emergency hard landing and ditched into sea. One crew member recovered, search for…
— Indian Coast Guard (@IndiaCoastGuard) September 3, 2024
