Caught on Camera: ଜଣେ ବୁର୍ଖା ପିନ୍ଧା ମହିଳା ବସରେ ଚଢ଼ି ଡ୍ରାଇଭରଙ୍କୁ ପିଟି ଲହୁଲୁହାଣ କରିଦେଲେ; ଭିଡିଓ ହେଲା ଭାଇରାଲ୍

ବୁର୍ଖା ପିନ୍ଧିଥିବା ଜଣେ ମହିଳା ଜଣେ ସିଟି ବସ୍ ଡ୍ରାଇଭରଙ୍କୁ ଆକ୍ରମଣ କରିଥିଲେ। ସେ ଡ୍ରାଇଭରଙ୍କୁ କଲାର ଧରି ଚାପୁଡ଼ା ପରେ ଚାପୁଡ଼ା ମାରିଥିଲେ। ସେ ତାଙ୍କ ଫୋନରେ ତାଙ୍କ ମୁଣ୍ଡକୁ ମଧ୍ୟ ମାରିଥିଲେ । ଫଳରେ ଗୁରୁତର ଆଘାତ ଲାଗିଥିଲା ଏବଂ ରକ୍ତସ୍ରାବ ହୋଇଥିଲା। ସମଗ୍ର ଘଟଣା ବସ୍ ଭିତରେ ଥିବା ସିସି କ୍ୟାମେରାରେ କଏଦ ହୋଇଥିଲା। ବୁର୍ଖା ପିନ୍ଧିଥିବା ମହିଳା ବସ୍ ଡ୍ରାଇଭରଙ୍କୁ ଆକ୍ରମଣ କରୁଥିବାର ଭିଡିଓ ଭାଇରାଲ ହେବାରେ ଲାଗିଛି।

ଘଟଣାଟି କ’ଣ?

ଗଣମାଧ୍ୟମ ରିପୋର୍ଟ ଅନୁଯାୟୀ , ଘଟଣାଟି ଏକ ବସ୍ ଷ୍ଟପ୍ ସହିତ ଜଡିତ। ମହିଳା ଜଣକ ଡ୍ରାଇଭରଙ୍କୁ ରାସ୍ତା ମଝିରେ ଅଟକିବାକୁ କହିଥିଲେ, କିନ୍ତୁ ଡ୍ରାଇଭର ମନା କରି ଦେଇଥିଲେ । କାରଣ କୌଣସି ନିର୍ଦ୍ଧାରିତ ଷ୍ଟପ୍ ନଥିଲା ଏବଂ ବସ୍ ଦ୍ରୁତ ଗତିରେ ଚାଲୁଥିଲା। ଏହା ମହିଳାଙ୍କୁ ରଗେଇ ଦେଇଥିଲା।  ସେ ପର ଦିନ ଆସି ଡ୍ରାଇଭରଙ୍କୁ ଆକ୍ରମଣ କରି ଦୁର୍ବ୍ୟବହାର କରିଥିଲେ। ଏହି ବସଟି ଥିଲା ସୁରତ ମ୍ୟୁନିସିପାଲ୍ କର୍ପୋରେସନର BRTS ବସ୍ । ଘଟଣାଟି ଗତ ଶନିବାର ଦିନ ଘଟିଥିବା ଜଣାପଡ଼ିଛି।

ଆକ୍ରମଣର ଶିକାର ହୋଇଥିବା ଡ୍ରାଇଭର ହେଉଛନ୍ତି ଇକବାଲ ଶେଖ। ସେ ଭେସୁ ପୋଲିସ ଷ୍ଟେସନରେ ଅଭିଯୋଗ ଦାଖଲ କରିଛନ୍ତି। ଅଭିଯୋଗରେ ସେ କହିଛନ୍ତି ଯେ ଜାନୁଆରୀ ୧୬, ୨୦୨୬ ଦିନ ଅପରାହ୍ନରେ ଜଣେ ମହିଳା ବସ୍ ଚଢ଼ିଥିଲେ। ସେ ଡ୍ରାଇଭରଙ୍କୁ LB ଟର୍ଣ୍ଣିଂ ପଏଣ୍ଟ ନିକଟରେ ଅଟକିବାକୁ କହିଥିଲେ । କିନ୍ତୁ ଡ୍ରାଇଭର ମନା କରି ଦେଇଥିଲେ, ଏହା ବସ୍ ଷ୍ଟପ୍ ନୁହେଁ ବୋଲି କହିଥିଲେ।

ତା’ପରେ ଡ୍ରାଇଭର କହିଥିଲେ ଯେ ମହିଳା ଜଣକ ୧୭ ଜାନୁଆରୀ ୨୦୨୬ ଦିନ ମଧ୍ୟାହ୍ନ ସମୟରେ ବସରେ ଫେରି ଆସିଥିଲେ। ସେ ଭେସୁରୁ ରେଳ ଷ୍ଟେସନକୁ ବସ୍ ଚଳାଉଥିଲେ । ମହିଳା ଜଣକ ଜେ.ଏଚ୍. ଅମ୍ବାନୀ ସ୍କୁଲ୍ ନିକଟରେ ବସରେ ଚଢ଼ିଥିଲେ। ତା’ପରେ ସେ ତାଙ୍କୁ ଆକ୍ରମଣ କରିବା ଆରମ୍ଭ କରିଥିଲେ। ଡ୍ରାଇଭର କହିଥିଲେ ଯେ ଘଟଣା ସମୟରେ ବସରେ ତିନି ଜଣ ଯାତ୍ରୀ ଥିଲେ। ଡ୍ରାଇଭରଙ୍କ ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।