SC/ST Quota Under Review: SC/ST ସଂରକ୍ଷଣରେ କ୍ରିମି ଲେୟର ଲାଗୁ କରିବାକୁ ଆବେଦନ, ସରକାରଙ୍କୁ ସୁପ୍ରିମକୋର୍ଟଙ୍କ ନୋଟିସ୍ ଜାରି

ସୋମବାର ଦିନ ସୁପ୍ରିମକୋର୍ଟ SC/ST ସଂରକ୍ଷଣ ବ୍ୟବସ୍ଥା ମଧ୍ୟରେ କ୍ରିମି ଲେୟର ସିଷ୍ଟମ ଲାଗୁ କରିବା ପାଇଁ ଏକ ଜନସ୍ୱାର୍ଥ ମାମଲା (PIL)ର ଶୁଣାଣି କରି କେନ୍ଦ୍ର ସରକାର ଏବଂ ସମସ୍ତ ରାଜ୍ୟ ସରକାରଙ୍କୁ ନୋଟିସ୍ ଜାରି କରିଛନ୍ତି। ଆଇନଜୀବୀ ଅଶ୍ୱିନୀ ଉପାଧ୍ୟାୟ ଏହି ଆବେଦନ ଦାଖଲ କରିଥିଲେ। ସେ ଯୁକ୍ତି ରଖିଛନ୍ତି ଯେ ସରକାରୀ କିମ୍ବା ସାମ୍ବିଧାନିକ ପଦବୀରେ ଥିବା SC/ST ପରିବାରର ପିଲାମାନେ ଏହି ବର୍ଗ ଅଧୀନରେ ସଂରକ୍ଷଣ ଲାଭ ପାଇବାକୁ ଯୋଗ୍ୟ ନୁହଁନ୍ତି।

ଆବେଦନରେ କ’ଣ ପ୍ରାର୍ଥନା କରାଯାଇଛି?

ଆବେଦନକାରୀ ଯୁକ୍ତି ଦର୍ଶାଇଛନ୍ତି ଯେ ସଂରକ୍ଷଣ (Reservation)ର ଉଦ୍ଦେଶ୍ୟ ଦଳିତ ବର୍ଗର ଲାଭ ପାଇବା ଥିଲା, କିନ୍ତୁ ବର୍ତ୍ତମାନର ବ୍ୟବସ୍ଥା ଅନୁଯାୟୀ, ସମାନ ପରିବାର ପିଢ଼ି ପରେ ପିଢ଼ି ଏହାର ଲାଭ ପାଉଛନ୍ତି। ମୁଖ୍ୟ ବିଚାରପତି ଜଷ୍ଟିସ ସୂର୍ଯ୍ୟକାନ୍ତ ଏବଂ ବିଚାରପତି ଜଷ୍ଟିସ ଜୟମାଲ୍ୟ ବାଗଚୀଙ୍କୁ ନେଇ ଗଠିତ ଖଣ୍ଡପୀଠ ଏହି ନୋଟିସ୍ ଜାରି କରିଛନ୍ତି। ଆବେଦନରେ କୁହାଯାଇଛି ଯେ ସଂରକ୍ଷଣର ଲାଭ ପ୍ରକୃତରେ ବଞ୍ଚିତ ଲୋକଙ୍କ ପାଖରେ ପହଞ୍ଚି ପାରୁନାହିଁ। ବରଂ ପୂର୍ବରୁ ସୁବିଧାପ୍ରାପ୍ତ ପରିବାରଗୁଡ଼ିକ ବାରମ୍ବାର ଲାଭ ପାଉଛନ୍ତି। SC/ST ବର୍ଗରେ ଥିବା ପ୍ରକୃତ ଗରିବ ଲୋକ ଏହାର ଲାଭ ପାଆନ୍ତୁ ବୋଲି ପ୍ରାର୍ଥନା କରାଯାଇଛି ।  

•    ଏହି ପ୍ରସଙ୍ଗରେ କେନ୍ଦ୍ର ସରକାର ଏବଂ ସମସ୍ତ ରାଜ୍ୟ ସରକାରଙ୍କଠାରୁ ଉତ୍ତର ଲୋଡାଯାଇଛି। 
•    ଆବେଦନକାରୀ ଅଶ୍ୱିନୀ ଉପାଧ୍ୟାୟ ଯୁକ୍ତି କରିଛନ୍ତି ଯେ ସରକାରୀ କିମ୍ବା ସାମ୍ବିଧାନିକ ପଦବୀରେ ଥିବା ପରିବାରଗୁଡ଼ିକୁ ସଂରକ୍ଷଣର ଲାଭ ମିଳିବା ଉଚିତ୍ ନୁହେଁ।
•    ଆବେଦନପତ୍ରରେ କୁହାଯାଇଛି ଯେ ସଂରକ୍ଷଣର ଉଦ୍ଦେଶ୍ୟ ଦଳିତ ବର୍ଗଙ୍କୁ ସୁବିଧା ଯୋଗାଇବା ଥିଲା, କିନ୍ତୁ ସମାନ ପରିବାର ପିଢ଼ି ପରେ ପିଢ଼ି ଏହାର ସୁଯୋଗ ନେଉଛନ୍ତି। ଅର୍ଥାତ ଯିଏ ଧନୀ ସିଏ ଧନୀ ହେଉଛନ୍ତି ଓ  ଯିଏ ଗରିବ ସିଏ ସେଇ ଗରିବ ହୋଇ ରହିଛନ୍ତି । 

 ବିତର୍କ ଦୀର୍ଘଦିନର

ସୁପ୍ରିମକୋର୍ଟର ପୂର୍ବତନ ପ୍ରଧାନ ବିଚାରପତି ଜଷ୍ଟିସ B.R. Gavaiଙ୍କ ନେତୃତ୍ୱାଧୀନ ସାମ୍ବିଧାନିକ ଖଣ୍ଡପୀଠ ମଧ୍ୟ SC/ST ବର୍ଗରେ କ୍ରିମି ଲେୟର ପ୍ରୟୋଗ ସମ୍ପର୍କରେ ବିଭିନ୍ନ ସମୟରେ ମତ ଦେଇଛନ୍ତି। ବର୍ତ୍ତମାନ ସୁପ୍ରିମକୋର୍ଟ ଏହି ପ୍ରସଙ୍ଗରେ ସରକାରଙ୍କଠାରୁ ଜବାବ ମାଗିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣିରେ SC/ST ସଂରକ୍ଷଣରେ କ୍ରିମି ଲେୟର ବ୍ୟବସ୍ଥା କାର୍ଯ୍ୟକାରୀ ହେବ କି ନାହିଁ ତାହା ଉପରେ ବିସ୍ତୃତ ଭାବେ ଶୁଣାଣି ହୋଇପାରେ।