Lalu Yadav's One Mistake: ଲାଲୁଙ୍କର ଗୋଟିଏ ଭୁଲ ହେଲା RJDର ପତନର କାରଣ

“ଜବ ତକ୍ ରହେଗା ସମୋସେ ମେ ଆଲୁ, ତବ୍ ତକ୍ ରହେଗା ବିହାର ମେ ଲାଲୁ”। ୯୦ ଦଶକରେ ଲାଲୁଙ୍କ ଏହି କଥା ହଇଚଇ ସୃଷ୍ଟି କରିଥିଲା। ଲାଗୁଥିଲା ଲାଲୁ ପ୍ରସାଦ ଯାଦବ ଅପରାଜେୟ। କିନ୍ତୁ ୨୦୦୫ ମସିହାରେ ସେ ବିହାରରେ ନୀତିଶ କୁମାରଙ୍କଠାରୁ ହାରିଲେ। ବାକି କ୍ଷତି ୨୦୦୯ ଲୋକସଭା ନିର୍ବାଚନରେ ହେଲା। ତାଙ୍କୁ ମନ୍ତ୍ରୀ ପଦ ବି ମିଳିଲା ନାହିଁ। ତା'ପରେ, ୨୦୧୦ ମସିହାରେ, ସେ ଦ୍ୱିତୀୟ ଥର ପାଇଁ ବିହାରରେ କ୍ଷମତା ହରାଇଲେ। ଲାଲୁ ବୁଝିସାରିଥିଲେ ଯେ ତାଙ୍କ ଯୁଗ ଶେଷ ହୋଇଗଲା।

ତଥାପି, ସେ ୨୦୧୪ ଲୋକସଭା ନିର୍ବାଚନରେ ସବୁ ଶକ୍ତି ଲଗାଇ ଦେଲେ, କିନ୍ତୁ ମୋଦି ଝଡ଼ରେ ଉଡିଗଲେ। ତା'ପରେ ଲାଲୁ ଯାଦବ ଏପରି ଗୋଟି ଚାଳନା କଲେ, ଯାହା ଫଳରେ ବିଜେପି ମଧ୍ୟ ସମ୍ପୂର୍ଣ୍ଣ ପରାଜିତ ହୋଇଥିଲା। ସେ ୨୦୧୫ ବିହାର ବିଧାନସଭା ନିର୍ବାଚନରେ ନୀତିଶ କୁମାରଙ୍କ ସହ ହାତ ମିଳାଇଥିଲେ ଏବଂ ତାଙ୍କର ଦୁଇ ପୁଅ ତେଜ ପ୍ରତାପ ଯାଦବ ଏବଂ ତେଜସ୍ୱୀ ଯାଦବଙ୍କୁ ରାଜନୀତିରେ ଏଣ୍ଟ୍ରୀ କରାଇଥିଲେ।
ନୀତିଶ କୁମାରଙ୍କ ସମର୍ଥନରେ ଦୁଇ ପୁଅ କେବଳ ବିଧାନସଭା ନିର୍ବାଚନ ଜିତି ନଥିଲେ ବରଂ ମନ୍ତ୍ରୀ ମଧ୍ୟ ହୋଇଥିଲେ। କିନ୍ତୁ ଏହାରି ଭିତରେ ଲାଲୁ ଯାଦବ ଏମିତି ଏକ ଭୁଲ କରିଦେଲେ ଯେ ଯାହା ୨୦୨୫ରେ RJD ର ପତନର କାରଣ ହେଲା।

ଏହି ଭୁଲ୍ ଥିଲା, ସେ ତାଙ୍କ ବଡ଼ ପୁଅ ତେଜ ପ୍ରତାପଙ୍କ ବଦଳରେ ତେଜସ୍ୱୀ ଯାଦବଙ୍କୁ ଉପମୁଖ୍ୟମନ୍ତ୍ରୀ କରାଇବା। ତେଜ ପ୍ରତାପଙ୍କୁ ମନ୍ତ୍ରୀ ପଦରେ ସନ୍ତୁଷ୍ଟ ହେବାକୁ ପଡିଲା। ଲାଲୁଙ୍କ ଏହି ନିଷ୍ପତ୍ତି ସମସ୍ତଙ୍କୁ ପ୍ରଶ୍ନବାଚୀ କରିଥିଲା। ଯଦି କେବଳ ଜଣେ ଉପମୁଖ୍ୟମନ୍ତ୍ରୀ ହେବାର ଥିଲା, ତେବେ ତେଜ ପ୍ରତାପ କାହିଁକି ନୁହେଁ, ତେଜସ୍ୱୀ କାହିଁକି ହେଲେ?

ଏଇଠି ହିଁ ସେ ବୁଣିଥିଲେ ମହାଭାରତର ବୀଜ। ତା’ପରେ ତେଜ ପ୍ରତାପ ନିଜକୁ ଭଗବାନ କୃଷ୍ଣ ଏବଂ ତେଜସ୍ୱୀଙ୍କୁ ଅର୍ଜୁନ ବୋଲି କହିବା ଆରମ୍ଭ କଲେ। ଲାଗୁଥିଲା ଯାହା ବି କିଛି ହେଉଥିଲା ସେଥିରେ ତେଜ ପ୍ରତାପ ଯାଦବଙ୍କର ମଧ୍ୟ ସହମତି ଥିଲା।

ପରିବାରର ଏଭଳି ମନମାଳିନ୍ୟ ଭିତରେ ନୀତିଶ କୁମାର ଲାଲୁଙ୍କଠାରୁ ଅଲଗା ହୋଇଗଲେ ଆଉ ୨୦୧୭ରେ ପୁଣି ଥରେ NDA ସହ ହାତ ମିଳାଇଲେ। ଏଇଠି ପଡିଥିଲା RJDର ପତନର ବୀଜ। ଲାଲୁ ଯାଦବଙ୍କ ପୁଅମାନେ ଉଠିବା ପୂର୍ବରୁ ସେମାନଙ୍କ କ୍ୟାରିଅର ଶେଷ ହୋଇଗଲା।