Dramatic Rescue: ପୋଖରୀକୁ ଖସିପଡ଼ିଛି କାର୍‌, ନାଉରୀ କରୁଛନ୍ତି ଜୀବନ ଉଦ୍ଧାର

ବାବୁ… ବାବୁ ବାହାରିବାକୁ ଚେଷ୍ଟା କରନ୍ତୁ  ମୁଁ ଅଛି, ଆପଣଙ୍କର କିଛି ହେବାକୁ ଦେବିନି  ଚେତାକୁ ଫେରନ୍ତୁ, ଆଖି ଖୋଲନ୍ତୁ… କାର୍ ବୁଡ଼ିବାକୁ ଆଉ ମାତ୍ର କିଛି ମିନିଟ୍ ବାକି ଅଛି  ବାବୁ ବାହାରିବାକୁ ଟିକେ ଟ୍ରାଏ ତ କରନ୍ତୁ.... 

ଦୁର୍ଘଟଣା ପରେ ପୋଖରୀକୁ ଖସିପଡ଼ିଛି କାର୍‌ । କାରରେ ଥିବା ଚଳକ ଜଣକଙ୍କ ଚେତା ନାହିଁ  । ଅଚେତ ଅବସ୍ଥାରେ ପଡ଼ି ରହିଛନ୍ତି । ଆଉ ଏ ନାଉରୀ ଜଣ ସେ ଅଜଣା ବ୍ୟକ୍ତିଙ୍କୁ ବଞ୍ଚାଇବାକୁ ଚେଷ୍ଟା କରୁଛନ୍ତି । ଏଠି ମାନସିକତା ଓ ମଣିଷ ପଣିଆ ପାଇଁ ସାରା ଦେଶରେ ଏ ନାବିକ ଭାଇଙ୍କୁ ପ୍ରଶଂସା ମିଳୁଛି । ଧନରେ ସିନା ସେ ଖୁବ୍‌ ଗରିବ, କିନ୍ତୁ ମନରେ କୋଟିପତି ।

ନିଜ ଜୀବନକୁ ବାଜି ଲଗାଇଦେଲେ

ଉତ୍ତରପ୍ରଦେଶ ପିଲିଭିଟର ଏହି ଘଟଣା । ଜଣେ ଡଙ୍ଗା ଚାଳକଙ୍କ ଏ ଉଦ୍ଧାର କାର୍ଯ୍ୟକୁ ସମସ୍ତେ ଭୁରିଭୁରି ପ୍ରଶଂସା କରିଛନ୍ତି । ଭିଡିଓରେ ସ୍ପଷ୍ଟ ଭାବେ ଦେଖିବାକୁ ମିଳୁଛି, ନିଜ ଜୀବନକୁ ବାଜି ଲଗାଇ କାରରେ ଫସି ରହିଥିବା ଯୁବକଙ୍କୁ ବଞ୍ଚାଇବାକୁ ସେ ଚେଷ୍ଟା କରୁଛନ୍ତି । ହାତରେ ଟାଣିଟାଣି ବାହାରକୁ ଆଣୁଛନ୍ତି । ଶେଷରେ ଉଦ୍ଧାରରେ ସଫଳ ହେଉଛନ୍ତି । କିନ୍ତୁ ଠିକ୍‌ ସେହି ସମୟରେ ନିଜର ଡଙ୍ଗାଟି ବୁଡ଼ିଯାଉଛି । ଅନ୍ୟ ଜଣେ ବ୍ୟକ୍ତିଙ୍କ ସାହାଯ୍ୟ ଯୋଗୁ ସମସ୍ତେ କୂଳକୁ ଆସୁଛନ୍ତି । କାରରୁ ବାହାରକୁ ବାହାରିବା ପରେ ବ୍ୟକ୍ତି ଜଣଙ୍କ ଚେତା ମଧ୍ୟ ଫେରୁଛି । 

କୁହାଯାଉଛି, ରାସ୍ତାରେ ପିଲାମାନେ ଖେଳୁଥିବାରୁ ଦୁର୍ଘଟଣା ହୋଇଥା’ନ୍ତା । ତେଣୁ କାର୍‌ ଚାଳକ ପିଲାମାନଙ୍କୁ ବଞ୍ଚାଇବାକୁ ହଠାତ୍‌ କାର୍‌ ବୁଲାଇବା ଫଳରେ ପୋଖରୀକୁ ଖସିପଡ଼ିଛି । ଯାହାର ଭିଡିଓ ଏବେ ସୋସିଆଲ ମିଡିଆଏର ଭାଇରାଲ ହେଉଛି ।