Suicide blast in Pakistan’s Quetta: ପାକିସ୍ତାନର କ୍ବେଟା ସହରରେ ବିସ୍ଫୋରଣ, ୧୦ ମୃତ ୩୫ରୁ ଅଧିକ ଆହତ

ପୁଣି ଅଶାନ୍ତ ପାକିସ୍ତାନ । ବାଲୁଚିସ୍ତାନର କ୍ବେଟ୍ଟା ସହରରେ ବଡ଼ଧରଣର ଆତ୍ମଘାତୀ ବିସ୍ପୋରଣ । ମଧ୍ୟାହ୍ଣ ପ୍ରାୟ ୧୨ଟା ସମୟରେ ଆତ୍ମଘାତୀ ବିସ୍ପୋରଣ ହୋଇଛି । ପାକିସ୍ତାନୀ ପାରାମିଲିଟାରୀ ଫୋର୍ସ 'ଫ୍ରଣ୍ଟିଅର କର୍ପସ୍' ହେଡକ୍ୱାର୍ଟରରେ ବାହାରେ ବିସ୍ଫୋରକ ବୋଝେଇ କାର୍ ମାଡ଼ ହୋଇଥିଲା । ସୂଚନା ଅନୁସାରେ, ୧୦ଜଣକ ଜୀବନ ଯାଇଥିବା ବେଳେ ୩୫ରୁ ଅଧିକ ଲୋକ ହୋଇଛନ୍ତି ଆହତ । ଅଧିକାଂଶଙ୍କ ଅବସ୍ଥା  ସଙ୍କଟାପନ୍ନ ଥିବାରୁ ଆହୁରି ମୃତ୍ୟୁସଂଖ୍ୟା  ବଢିପାରେ ।

#ପାକିସ୍ତାନରେ_ବିସ୍ଫୋରଣ:#୧୦ମୃତ
-ପାକିସ୍ତାନ କ୍ବେଟ୍ଟାରେ ବଡ଼ ଧରଣର ବିସ୍ଫୋରଣ; ୧୦ ମୃତ
-୧୦ ଜଣଙ୍କ ମୃତ୍ୟୁ, ୩୫ରୁ ଅଧିକ ଆହତ ସୂଚନା
-ବିସ୍ଫୋରଣ ସହ ଗୁଳିମାଡ଼ ମଧ୍ୟ ହୋଇଥିବା ସୂଚନା #Pakistan#Blast#OTVpic.twitter.com/hD4m1RyK9h

— ଓଟିଭି (@otvkhabar) September 30, 2025

ବିସ୍ଫୋରଣ ଏତେ ଭୟାବହ ଥିଲା ଯେ, ଆଖପାଖ ବିଲ୍ଡିଂର ଝରକା, କବାଟ ଭାଙ୍ଗି ଯାଇଥିଲା ।  ଜୀବନ ବିକଳରେ ଏଣେତେଣେ ଦୌଡିଥିଲେ ସ୍ଥାନୀୟ ଲୋକ । ପୂରା ଅଞ୍ଚଳକୁ କର୍ଡନ କରିଛନ୍ତି ପୋଲିସ ଓ ଉଦ୍ଧାରକାରୀ ଦଳ ।

ସହରର ସବୁ ହସ୍ପିଟାଲରେ ଏମର୍ଜେନ୍ସି ଘୋଷଣା ହୋଇଛି ।  ଡାକ୍ତର, ଫାର୍ମାସିଷ୍ଟ, ନର୍ସ ଓ ପାରାମେଡିକାଲ ଷ୍ଟାଫ୍‌ଙ୍କୁ ତୁରନ୍ତ ଡ୍ୟୁଟି ଆସିବାକୁ ନିର୍ଦ୍ଦେଶ ଦେଇଛନ୍ତି ପାକ୍ ସରକାର । 
ତେବେ ଏହି ଆତ୍ମଘାତୀ ହମଲା ପଛରେ କିଏ ତାହା ଜଣାପଡିନି । ପାକ୍ ପୋଲିସ ଘଟଣାର ତଦନ୍ତ କରୁଛି ।