Super Typhoon: ସୁପର ଟାଇଫୁନ୍ 'ରାଗାସା'ର ତାଣ୍ଡବ

ବୁଲେଟ୍ ଟ୍ରେନ୍ ସ୍ପିଡରେ ମାଡ଼ି ଆସିଲା ସୁପର ଟାଇଫୁନ୍। ଫିଲିପାଇନ୍ସକୁ ହିଟ୍ କରିବା ପରେ ପ୍ରଳୟ ରଚିଲା 'ରାଗାସା'। ଘଣ୍ଟା ପ୍ରତି ୨୯୫ କିଲୋମିଟର ବେଗରେ ପବନ ତାଣ୍ଡବ ରଚିଛି। ଚାରିଆଡ଼େ ବ୍ୟାପକ କ୍ଷୟକ୍ଷତି ହୋଇଛି। ପ୍ରବଳ ବେଗରେ ପବନ ଓ ବର୍ଷା ଯୋଗୁ ଘର ଦ୍ବାର ଭାଙ୍ଗି ଯାଇଛି। ବିରାଟ ବିରାଟ ଗଛ ଓ ବିଦ୍ୟୁତ ଖୁଣ୍ଟ ଉପୁଡି ପଡ଼ିଛି। ସୁପର ଟାଇଫୁନ ରାଗାସା ପ୍ରଭାବ ଉତ୍ତର ଫିଲିପାଇନ୍ସରେ ବେଶୀ ଅନୁଭୂତ ହୋଇଛି । 
ଚୀନର ଗୁଆଙ୍ଗଡଙ୍ଗ ଆଡ଼କୁ ବଢ଼ୁଛି ଏହି ସୁପର ଟାଇଫୁନ । ଚୀନର ଦକ୍ଷିଣାଞ୍ଚଳ ମଧ୍ୟ ବିଶେଷ କ୍ଷତିଗ୍ରସ୍ତ ହୋଇଛି । ପ୍ରଭାବିତ ୧୦ଟି ସହରରେ ସ୍କୁଲ ବନ୍ଦ ଘୋଷଣା କରାଯାଇଛି । ଫିଲିପାଇନ୍ସରୁ ହଜାର ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ତାଇୱାନ ବି ପ୍ରଭାବିତ ହେବା ନେଇ ପାଣିପାଗ ବିଭାଗର ୱାର୍ଣ୍ଣିଂ ପରେ ଏଠାରେ ମଧ୍ୟ ସତର୍କତା ମୂଳକ ପଦକ୍ଷେପ ନିଆଯାଇଛି । 
ଚୀନରେ ଲ୍ୟାଣ୍ଡଫଲ ପୂର୍ବରୁ ଫିଲିପାଇନ୍ସରେ ତାଣ୍ଡବ ରଚିଛି ରାଗାସା ସୁପର ଟାଇଫୁନ । ଏହି ସିଷ୍ଟମ ଫିଲିପାଇନ୍ସ ପରେ ହଂକଂ ଦେଇ ଆଜି ଚୀନରେ ଲ୍ୟାଣ୍ଡଫଲ କରିବ ।  ଚୀନରେ ପ୍ରଭାବିତ ହେବାକୁ ଥିବା ଅଞ୍ଚଳର ୪ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଛି। ୧୯୯୯ ମସିହାରେ ଓଡ଼ିଶାରେ ହୋଇଥିବା ମହାବାତ୍ୟାର ତୀବ୍ରତାକୁ ବି ଟପିଯାଇଛି ଏହି ସୁପର ଟାଇଫୁନ୍ ।