Shocking Confession: ଶୋଇଥିଲା ଝିଅ ହାଣିଦେଲା ବାପା, ଥାନାକୁ ଯାଇ କହିଲା...

ଜଣେ ବାପା ନିଜ ଝିଅକୁ ହତ୍ୟା କରିଛି । କାରଣ ସେ ସନ୍ଦେହ କରୁଥିଲା ଯେ ଝିଅର କାହା ସହ ସମ୍ପର୍କ ଅଛି। ବାପା ଠିକ୍ କରିଥିବା ବାହାଘରରେ ଝିଅ ରାଜି ନହେବାରୁ ଖଟରେ ଶୋଇଥିବା ବେଳେ… ।

ମୁଁ ମୋ ଝିଅକୁ ହତ୍ୟା କରିଛି... ଉତ୍ତର ପ୍ରଦେଶର ମୁଜାଫରନଗରର ପୋଲିସ ଷ୍ଟେସନରେ ପହଞ୍ଚିଥିବା ଜଣେ ବ୍ୟକ୍ତିଙ୍କ ସ୍ୱୀକାରୋକ୍ତିରେ ପୋଲିସ ଅଧିକାରୀମାନେ ଆଶ୍ଚର୍ଯ୍ୟ ହୋଇଗଲେ । ଜଣେ ନୃଶଂସ ବାପା ଏକ ଭୟଙ୍କର ହତ୍ୟାକାଣ୍ଡରେ ନିଜ ଝିଅକୁ ହତ୍ୟା କରିଛି। ହତ୍ୟା ପରେ, ଅଭିଯୁକ୍ତ ପୋଲିସ ଷ୍ଟେସନରେ ଆତ୍ମସମର୍ପଣ କରି ନିଜ ଅପରାଧ ସ୍ୱୀକାର କରିଛି। ପୋଲିସ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି। 

ଏହି ଘଟଣାଟି ମୁଜାଫରନଗରର ଖାଲାପାର ପୋଲିସ ଷ୍ଟେସନ ଅଞ୍ଚଳର କିଡୱାଇ ନଗରରେ ଘଟିଛି। ଗୟୁର ନାମକ ଜଣେ ବ୍ୟକ୍ତି ୧୯ ବର୍ଷୀୟ ଝିଅ ଆରଜୁଙ୍କୁ ଖଟରେ ଶୋଇଥିବା ସମୟରେ ଗଳାକାଟି ହତ୍ୟା କରିଛି । ଘଟଣା ପରେ, ହତ୍ୟାକାରୀ ବାପା ପୋଲିସ ଷ୍ଟେସନକୁ ଯାଇ ନିଜ ଅପରାଧ ସ୍ୱୀକାର କରି ସମଗ୍ର କାହାଣୀ ବିସ୍ତୃତ ଭାବରେ ବର୍ଣ୍ଣନା କରିଛି।

ଏମିତି ବାପା... 

ପୋଲିସ କହିବା ଅନୁସାରେ, ବାପା ସବୁ ମାନିଯାଇଛି ।  ସେ ତା ଝିଅ ଆରଜୁର ବିବାହ ଦେଓବନ୍ଦରେ ସ୍ଥିର କରିଥିଲା। ଝିଅ କିନ୍ତୁ ବିବାହ ପାଇଁ ପ୍ରସ୍ତୁତ ନଥିବା କହିଥିଲେ। ବାପା ସନ୍ଦେହ କରୁଥିଲା ଯେ ଝିଅର ଜଣେ ଯୁବକଙ୍କ ସହିତ ପ୍ରେମ ସମ୍ପର୍କ ଅଛି। ତେଣୁ ସେ ତା ଗଳାକାଟି ହତ୍ୟା କରିଥିଲା।

ଝିଅକୁ ହତ୍ୟା କରିବା ପରେ, ସେ ସିଧା ପୋଲିସ ଷ୍ଟେସନକୁ ଯାଇ ତାର ଅପରାଧ ସ୍ୱୀକାର କରିଥିଲା। ହତ୍ୟା ପଛର ଉଦ୍ଦେଶ୍ୟ ଜାଣି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଗଲା। ବାପା ଠିକ୍ କରିଥିବା ପୁଅ ସହିତ ବିବାହ ପାଇଁ ଝିଅ ରାଜି ନହେବାରୁ ବାପାର ରାଗ ବଢ଼ିଯାଇଥିଲା ।  ତେଣୁ ହତ୍ୟା କରିବାକୁ ନିଷ୍ପତ୍ତି ନେଇଥିଲା । ପୋଲିସ ତାକୁ ଗିରଫ କରିଛି ଏବଂ ମାମଲାର ତଦନ୍ତ କରୁଛି।