Magistrate Involved in Spat with CNG Pump Worker: 'ତୁମେ ଜାଣିଛ ମୁଁ କିଏ?' ମାଜିଷ୍ଟ୍ରେଟଙ୍କ ସହ ସିଏନଜି ପମ୍ପ କର୍ମଚାରୀଙ୍କ ଝଗଡ଼ା ପରେ ପତ୍ନୀ ଦେଲେ ଏତଲା

ଅଭିଯୋଗ ହୋଇଛି ଯେ ଏସଡିଏମ ତାଙ୍କ ଗାଡ଼ି ପୂର୍ବରୁ ଅନ୍ୟ କାହାର ଗାଡ଼ିରେ ସିଏନଜି ଭର୍ତ୍ତି ହେଉଥିବାରୁ ବିରକ୍ତ ହୋଇଥିଲେ। ସେ ଏତେ ରାଗି ଯାଇଥିଲେ ଯେ ସେ ପ୍ରଥମେ ପେଟ୍ରୋଲ ପମ୍ପ କର୍ମଚାରୀଙ୍କୁ ଧମକ ଦେଇ କହିଥିଲେ, "ତୁମେ ଜାଣିଛ ଏହା କାହାର ଗାଡ଼ି? ମୁଁ ଏଠାରେ ଏସଡିଏମ।" ତା'ପରେ ସେ ପେଟ୍ରୋଲ ପମ୍ପ କର୍ମଚାରୀଙ୍କୁ ଚାପୁଡ଼ା (Slapped) ମାରିଥିବା ଅଭିଯୋଗ ହୋଇଛି। 

କର୍ମଚାରୀ ତାଙ୍କୁ ମଧ୍ୟ ଚାପୁଡ଼ା ମାରି ପ୍ରତିଶୋଧ ନେଇଥିଲେ। ସମଗ୍ର ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ପୋଲିସ ତିନି ଜଣ ପେଟ୍ରୋଲ ପମ୍ପ କର୍ମଚାରୀଙ୍କୁ ଗିରଫ କରିଛି। ଏସଡିଏମଙ୍କ ପତ୍ନୀ ପେଟ୍ରୋଲ ପମ୍ପ କର୍ମଚାରୀଙ୍କ ଉପରେ ନିର୍ଯାତନା ଅଭିଯୋଗ ଆଣିଛନ୍ତି।

ବିବାଦ କିପରି ଆରମ୍ଭ ହେଲା

ଗଣମାଧ୍ୟମ ରିପୋର୍ଟ ଅନୁଯାୟୀ, ଘଟଣାଟି ଆଜମେର-ଭିଲୱାରା ଜାତୀୟ ରାଜପଥରେ ଘଟିଛି। ଏସଡିଏମ(SDM)ଙ୍କ ନାମ ଛୋଟୁ ଲାଲ ଶର୍ମା । ସେ ପ୍ରତାପଗଡ଼ରେ କାର୍ଯ୍ୟରତ। ଗତ ମଙ୍ଗଳବାର ଦିନ ସେ ତାଙ୍କ ପରିବାର ସହିତ କାର୍ ଯୋଗେ ଜୟପୁରରୁ ପ୍ରତାପଗଡ଼ ଯାତ୍ରା କରୁଥିଲେ। ସେମାନେ ଯଶୱନ୍ତପୁରାର ଏକ ପେଟ୍ରୋଲ ପମ୍ପରେ ସିଏନଜି ଭର୍ତ୍ତି କରିବା ପାଇଁ ଅଟକିଥିଲେ।

ସିସିଟିଭି ଫୁଟେଜରେ ଏସଡିଏମ (Sub Divisional Magistrate)ଙ୍କ ଗାଡ଼ି ପମ୍ପରେ ଅଟକି ପରିବାର ବାହାରକୁ ଯାଉଥିବାର ଦେଖାଯାଉଛି। ଜଣେ ପେଟ୍ରୋଲ ପମ୍ପ କର୍ମଚାରୀ ସିଏନଜି (CNG) ଭର୍ତ୍ତି କରିବା ପାଇଁ ପାଇପ୍ ସଂଯୋଗ କରୁଛନ୍ତି ।କିନ୍ତୁ ଇନ୍ଧନ କ୍ୟାପ୍ ଖୋଲା ଅଛି। ପେଟ୍ରୋଲ ପମ୍ପ କର୍ମଚାରୀ କିଛି ସେକେଣ୍ଡ ପାଇଁ ଅପେକ୍ଷା କରିଛନ୍ତି। ତା'ପରେ, ଯେତେବେଳେ ଅନ୍ୟ ଏକ ଗାଡ଼ି ପଛକୁ ଆସିଯାଇଛି, ସେ ସେଥିରେ ସିଏନଜି ଭର୍ତ୍ତି କରିବା ଆରମ୍ଭ କରିଛନ୍ତି। 
ଏସଡିଏମ୍ ଛୋଟୁ ଲାଲ୍ ଶର୍ମାଙ୍କୁ ଏହା ପସନ୍ଦ ଆସିଲା ନାହିଁ। ସେ ପେଟ୍ରୋଲ ପମ୍ପ କର୍ମଚାରୀଙ୍କୁ ବାଧା ଦେଲେ। ଉଭୟଙ୍କ ମଧ୍ୟରେ ଯୁକ୍ତିତର୍କ ହେଲା। ଭିଡିଓରେ ଏସଡିଏମ୍ କହୁଥିବାର ଶୁଣିବାକୁ ମିଳୁଛି, "ମୁଁ ଏଠାକାର ଏସଡିଏମ୍। ତୁମେ କ'ଣ ଜାଣି ନାହିଁ ଯେ ଗାଡି ଏଠାରେ ପାର୍କ ହୋଇଛି?" "ତୁମେ ଏସଡିଏମଙ୍କ ସାଙ୍ଗରେ ଲାଗୁଛ । ତୁମେ କ'ଣ ଜାଣ ମୁଁ କିଏ?" ଏହି ହଙ୍ଗାମା ମଧ୍ୟରେ ଏସଡିଏମ୍ ଛୋଟୁ ଲାଲ୍ ପେଟ୍ରୋଲ ପମ୍ପ କର୍ମଚାରୀଙ୍କୁ ଚାପୁଡ଼ା ମାରିଲେ।

ଉଭୟଙ୍କ ମଧ୍ୟରେ ହାତାହାତି ମଧ୍ୟ ହୋଇଥିଲା। ଜବାବରେ ପେଟ୍ରୋଲ ପମ୍ପ (Petrol Pump) କର୍ମଚାରୀ ମଧ୍ୟ ଏସଡିଏମଙ୍କୁ ମଧ୍ୟ ଚାପୁଡ଼ା ମାରିଲେ। ଏହି ସମୟରେ ଅନ୍ୟ ପେଟ୍ରୋଲ ପମ୍ପ କର୍ମଚାରୀମାନେ ମଧ୍ୟ ଏକାଠି ହେଲେ। ସେତେବେଳେ ମଧ୍ୟ ଯୁକ୍ତିତର୍କ ଜାରି ରହିଥିଲା। ତା'ପରେ ଏସଡିଏମ୍ ଆଉ ଜଣେ ପେଟ୍ରୋଲ ପମ୍ପ କର୍ମଚାରୀଙ୍କୁ ଚାପୁଡ଼ା ମାରିଲେ, ସିଏ ମଧ୍ୟ ଜବାବରେ ତାଙ୍କୁ ଚାପୁଡ଼ା ମାରିଥିଲେ। 

ପୋଲିସ କାର୍ଯ୍ୟାନୁଷ୍ଠାନ

ଘଟଣା ସମ୍ପର୍କରେ ସୂଚନା ପାଇବା ପରେ ରୟାଲା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ପୋଲିସ ତିନି ଜଣ ପେଟ୍ରୋଲ ପମ୍ପ କର୍ମଚାରୀଙ୍କୁ ଗିରଫ କରିଛି । ସେମାନେ ହେଲେ ଦୀପକ ମାଲି, ପ୍ରଭୁ ଲାଲ କୁମାୱତ ଏବଂ ରାଜା ଶର୍ମା। ଏସଡିଏମଙ୍କ ପତ୍ନୀ ଦୀପିକା ବ୍ୟାସ ପେଟ୍ରୋଲ ପମ୍ପ କର୍ମଚାରୀଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଛନ୍ତି । ସେ ଏକ ଏତଲା ଦାୟର କରିଛନ୍ତି। ତାଙ୍କ ଅଭିଯୋଗରେ ଏସଡିଏମଙ୍କ ପତ୍ନୀ ଆକ୍ରମଣ ସମେତ ଅନେକ ଗୁରୁତର ଅଭିଯୋଗ ଆଣିଛନ୍ତି।

ପୋଲିସ କହିଛି ଯେ ସେମାନେ ଉଭୟ ପକ୍ଷର ଭୂମିକା ତଦନ୍ତ କରୁଛନ୍ତି। ତଦନ୍ତକାରୀ ପୋଲିସ ଅଧିକାରୀ କହିଛନ୍ତି ଯେ ଘଟଣାର ପ୍ରାଥମିକ ତଦନ୍ତରେ ଏକ ଝଗଡ଼ା ହୋଇଥିବା ସ୍ପଷ୍ଟ ହୋଇଛି। ଏତଲା ଆଧାରରେ ଆକ୍ସନ ନିଆଯାଇଛି ।