why Virat is ahead of Rohit : ‘ରୋ-କୋ’ଙ୍କୁ ନେଇ ମହମ୍ମଦ କୈଫ୍‌ଙ୍କ ବଡ଼ ବୟାନ

ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚ୍ ଆଜି ଖେଳାଯାଉଛି। ପ୍ରଥମ ମ୍ୟାଚ୍ ଭଳି ଆଜି ବି ସମସ୍ତଙ୍କ ନଜର ପୁଣି ଥରେ ଟିମ୍ ଇଣ୍ଡିଆର ଷ୍ଟାର ଯୋଡ଼ି ରୋହିତ ଶର୍ମା ଏବଂ ବିରାଟ କୋହଲିଙ୍କ ଉପରେ ରହିଛି। କିଙ୍ଗ କୋହଲି ପ୍ରଥମ ମ୍ୟାଚରେ ଏକ ଚମତ୍କାର ୯୩ ରନର ଇନିଂସ ଖେଳିଥିଲେ। ସେ ତାଙ୍କର ୫୪ତମ ଦିନିକିଆ ଶତକ ହାସଲ କରିବାରୁ ଅଳ୍ପ ଦୂରରେ ରହିଗଲେ। ରୋହିତ ଶର୍ମା ଭଲ ଆରମ୍ଭ କରିଥିଲେ ବି ବଡ଼ ସ୍କୋର କରିପାରିଲେ ନାହିଁ। 

ଉଭୟ ଖେଳାଳି ଟେଷ୍ଟ ଏବଂ ଟି୨୦ କ୍ରିକେଟରୁ ଅବସର ନେଇସାରିଥିବା କାରଣରୁ କେବଳ ଦିନିକିଆ କ୍ରିକେଟ ଖେଳୁଛନ୍ତି। ଊଭୟ ପ୍ରଭାବଶାଳୀ ପ୍ରତ୍ୟାବର୍ତ୍ତନ କରି, ସେମାନଙ୍କର ସମାଲୋଚକ ମାନଙ୍କୁ ଉତ୍ତର ଦେଇଛନ୍ତି, କିନ୍ତୁ କୋହଲି ଭିନ୍ନ ଦୃଷ୍ଟିରେ ଦେଖାଯାଉଛନ୍ତି। ତେବେ ଏହାକୁ ନେଇ ପୂର୍ବତନ ଭାରତୀୟ ଖେଳାଳି ଏକ ଆଶ୍ଚର୍ଯ୍ୟଜନକ ବୟାନ ଦେଇଛନ୍ତି।

ବଡ଼ ଇନିଂସ ଖେଳିବାର କ୍ଷମତା

ପ୍ରଥମ ମ୍ୟାଚରେ ଉଭୟ ଖେଳାଳିଙ୍କ ଉପରେ ଉଚ୍ଚ ଆଶା ରଖାଯାଇଥିଲା। ବିରାଟ ପ୍ରାୟତଃ ସେହି ଆଶା ପୂରଣ କରିଥିଲେ। ରୋହିତ ନିରାଶ ହୋଇଥିଲେ ମଧ୍ୟ, ଉଭୟ ଗତ କିଛି ମାସରେ ଅସାଧାରଣ ଭାବରେ ଭଲ ପ୍ରଦର୍ଶନ କରିଛନ୍ତି। ଏହି ପ୍ରସଙ୍ଗରେ ନିଜ ୟୁଟ୍ୟୁବ୍ ଚ୍ୟାନେଲରେ ମହମ୍ମଦ କୈଫ୍ କହିଛନ୍ତି, "କୋହଲିଙ୍କ ପାଖରେ ଏକ ଭଲ ଆରମ୍ଭକୁ ସହଜରେ ଏକ ବଡ଼ ଇନିଂସରେ ପରିଣତ କରିବାର କ୍ଷମତା ଅଛି। ଯଦି ସେ ଶେଷ ପର୍ଯ୍ୟନ୍ତ ରହିଲେ, ତେବେ ସେ ମ୍ୟାଚ୍ ଶେଷ କରିପାରିବେ। ଏହି କାରଣରୁ କୋହଲି ODI କ୍ରିକେଟରେ ରୋହିତଙ୍କଠାରୁ ବହୁତ ଆଗରେ ଅଛନ୍ତି। ତାଙ୍କ ପାଖରେ ନିରନ୍ତର ବଡ଼ ଇନିଂସ ଖେଳିବା ଏବଂ ଶତକ ହାସଲ କରିବାର କ୍ଷମତା ଅଛି।"

ଭୁଲ୍ ସଟ୍ ପାଇଁ ଅନୁତାପ

କୈଫ୍ ଆହୁରି କୋହଲିଙ୍କ ବିଷୟରେ ଆଲୋଚନା କରି କହିଛନ୍ତି, "ପ୍ରଥମ ଦିନିକିଆରେ ଆଉଟ୍ ହେବା ପରେ ପାଭିଲିୟନ୍ ଆଡକୁ ଯାଉଥିବା ସମୟରେ କୋହଲି ମୁଣ୍ଡ ହଲାଇଥିବାର ଆପଣ ସ୍ପଷ୍ଟ ଭାବରେ ଦେଖିପାରିବେ। ଏହା ସ୍ପଷ୍ଟ ଥିଲା ଯେ ସେ ଭାବୁଛନ୍ତି, 'ମୁଁ ଏକ ଭୁଲ ସଟ୍ ଖେଳିଥିଲି।' ବିରାଟ କୋହଲି ଉତ୍କୃଷ୍ଟ ଫର୍ମରେ ଦେଖାଯାଉଥିଲେ ଏବଂ ଜାଣିଥିଲେ ଯେ ସେ ସେଠାରେ ସହଜରେ ତାଙ୍କର ୫୪ତମ ଶତକ ହାସଲ କରିପାରିବେ।

ଆଉ ଏକ ରେକର୍ଡ ଭାଙ୍ଗିଯିବ

ଆଜିର ମ୍ୟାଚ୍‌ରେ  କ୍ରିକେଟର ଭଗବାନ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବାର ଏକ ମହାନ ସୁଯୋଗ କୋହଲିଙ୍କ ପାଖରେ ରହିଛି। ବର୍ତ୍ତମାନ ନ୍ୟୁଜିଲାଣ୍ଡ ବିପକ୍ଷରେ ODIରେ ଭାରତୀୟ ଦ୍ୱାରା ସର୍ବାଧିକ ରନ୍ କରିବାର ରେକର୍ଡ ସଚିନ ତେନ୍ଦୁଲକରଙ୍କ ପାଖରେ ଅଛି। ସଚିନ ୧୭୫୦ ରନ୍ ସହିତ ନମ୍ବର ୧ ରେ ଅଛନ୍ତି। ବିରାଟ କୋହଲି ତାଙ୍କ ପଛକୁ ମାତ୍ର ଗୋଟିଏ ରନ୍ ପଛରେ ଅଛନ୍ତି। ଆଜି କୋହଲି କେବଳ ଗୋଟିଏ ରନ୍ କରିବା ପରେ ସଚିନଙ୍କୁ ପଛରେ ପକାଇଦେବେ।