ବନ୍ୟାଞ୍ଚଳରେ ପାଣି କମୁଛି, ହେଲେ ପିଇବା ପାଣିକୁ ନେଇ ଚିନ୍ତା ବଢୁଛି

ବନ୍ୟାଞ୍ଚଳରେ ପାଣି କମୁଛି, ହେଲେ ପିଇବା ପାଣିକୁ ନେଇ ଚିନ୍ତା ବଢୁଛି । ଉପକୂଳ ଓଡ଼ିଶାର ବିଭିନ୍ନ ଜିଲ୍ଲା ଆଜିକୁ ୪-୫ ଦିନ ଧରି ବନ୍ୟାରେ ଭାସୁଥିବାରୁ ପ୍ରଭାବିତ ଅଞ୍ଚଳରେ ପାନୀୟ ଜଳର ଦେଖାଦେଇଛି ଉତ୍କଟ ଅଭାବ । ପ୍ରଭାବିତ ଅଞ୍ଚଳରେ କୂଅ ଓ ନଳକୂଅ ପାଣିରେ ବୁଡ଼ିଥିବା ଏବଂ ବିଜୁଳି ନଥିବାରୁ ପାଣି ପାଇଁ ଆଉଟୁପାଉଟୁ ହେଉଛନ୍ତି ଲୋକେ । ବହୁ ସ୍ଥାନରେ ବିପନ୍ନଙ୍କ ଅଭିଯୋଗ, ରିଲିଫ୍ ତ ଦୂରର କଥା, ପ୍ରଶାସନ ପକ୍ଷରୁ ସେମାନଙ୍କ ନିକଟରେ ଶୁଦ୍ଧ ପାନୀୟ ଜଳ ଟିକେ ବି ପହଞ୍ଚି ପାରିନି ।