କେନ୍ଦ୍ରାପଡ଼ା-ଯାଜପୁର-ପୁରୀ-ଜଗତସିଂହପୁରେ ଦାଉ ସାଧୁଛି ବନ୍ୟା

କେନ୍ଦ୍ରାପଡ଼ା, ଯାଜପୁର, ପୁରୀ, ଜଗତସିଂହପୁର ଉପକୂଳବର୍ତ୍ତୀ ଏହି ୪ ଜିଲ୍ଲାରେ ଦାଉ ସାଧୁଛି ବନ୍ୟା । ଗଲା ଦୁଇ ଦିନ ଧରି କ୍ରମାଗତ ଭାବେ ମହାନଦୀ ଓ ଏହାର ବିଭିନ୍ନ ଶାଖା ନଦୀଗୁଡ଼ିକ ଫୁଲୁଥିବାରୁ ଏସବୁ ଜିଲ୍ଲାକୁ ଘାଇଲା କରିଛି ବନ୍ୟା ସ୍ଥିତି । କେନ୍ଦ୍ରାପଡ଼ା ମାର୍ଶାଘାଇରେ କରାଣ୍ଡିଆ ନଦୀରେ ସୃଷ୍ଟି ହୋଇଛି ଦୁଇଟି ଘାଇ । ଗୋଟିଏ ଡିହ ବଳରାମପୁର ଓ ଅନ୍ୟଟି ଆୟତ୍ତପୁର । ଏହି ଦୁଇଟି ଘାଇ ଫଳରେ ମାର୍ଶାଘାଇ ବ୍ଲକର ବହୁ ଅଞ୍ଚଳକୁ ମାଡ଼ି ଯାଇଛି ବନ୍ୟାଜଳ । ପାଣିରେ ବୁଡ଼ି ରହିଛି ହଜାର ହଜାର ହେକ୍ଟର ଚାଷଜମି । ସେପଟେ ଚିତ୍ରୋତ୍ପଳା ନଦୀର ପାଣି ଯୋଗୁଁ ଡେରାବିଶ ଓ ମହାକାଳପଡ଼ା ବ୍ଲକର ବହୁ ପଞ୍ଚାୟତବାସୀ ଜଳବନ୍ଦୀ ହୋଇଛନ୍ତି ।

Published: Satyendu Shekher Mishra

Last updated: 16 August 2022, 10:02 PM IST