ବାରବାଟୀରେ କ୍ରିକେଟ୍ ଫ୍ୟାନଙ୍କ ଟିକଟ ଲଢ଼େଇ; ସାଂଘାତିକ ସ୍ଥିତି, ଚରମ ଅବ୍ୟବସ୍ଥା

ଇଣ୍ଡିଆ-ଇଂଲଣ୍ଡ ଦିନିକିଆ ଟିକଟ ପାଇଁ ବାରବାଟୀରେ ବାର ବାଜିଗଲା ଦର୍ଶକଙ୍କର। ଅଫଲାଇନରେ ଟିକଟ ଖଣ୍ଡେ ହାତେଇବାକୁ ଗତରାତିରୁ ଧାଡ଼ିବାନ୍ଧିଥିବା କ୍ରିକେଟ୍ ପ୍ରେମୀ ଆଜି ଦିନତମାମ ହୋଇଛନ୍ତି ନାକେଦମ୍। କେତେବେଳେ ଧସ୍ତାଧସ୍ତି ତ ଆଉ କେତେବେଳେ ଦଳାଚକଟା ସ୍ଥିତି। କିଏ ଚେତାଶୂନ୍ୟ ହୋଇପଡ଼ିଲେ ତ ଆଉ କିଏ ଟିକଟ ନହେଲା ନାଇଁ, ଜୀବନ ବଞ୍ଚାଇ ଘରକୁ ବାହୁଡ଼ିଗଲେ। ତାମଧ୍ୟରେ ଉପସ୍ଥିତ କିଛି ଦର୍ଶକ ଭାଙ୍ଗିଦେଲେ ବ୍ୟାରିକେଡ୍। ସ୍ଥିତି ନିୟନ୍ତ୍ରଣ ପାଇଁ ନାକେଦମ୍ ହେଲେ କଟକ ଡିସିପି। ତେବେ ଅଫଲାଇନରେ ୧୨ ହଜାର ଟିକଟ ବିକ୍ରି ପାଇଁ ଧାର୍ଯ୍ୟ ତ ହୋଇଥିବାବେଳେ ପୋଲିସର ଦାୟିତ୍ବପଣିଆକୁ ନେଇ ଉଠିଛି ନାନା ପ୍ରଶ୍ନ।

Published By: Manoranjan Sial

Last updated: 05 February 2025, 09:07 PM IST