ଚାମ୍ପିଅନ୍ ଟିମ୍ ଇଣ୍ଡିଆକୁ ଭବ୍ୟ ସ୍ବାଗତ

ବିଶ୍ବ ବିଜେତାଙ୍କୁ ଭବ୍ୟ ସ୍ବାଗତ । ଟି-ଟ୍ବେଣ୍ଟି ଚାମ୍ପିଅନ ଟିମ୍ ଇଣ୍ଡିଆକୁ ସ୍ବଦେଶ ମାଟିରେ ଉଚ୍ଛ୍ବସିତ ସମ୍ବର୍ଦ୍ଧନା। ଇଣ୍ଡିଆ ଇଣ୍ଡିଆ ନାରାରେ କମ୍ପିଲା ଦିଲ୍ଲୀ ବିମାନ ବନ୍ଦର। ଖେଳାଳିଙ୍କ ଗୋଟିଏ ଝଲକ ପାଇବାକୁ ଭୋରରୁ ଲାଗିଥିଲା ଭିଡ଼ । କାହା ହାତରେ ଥିଲା ହିଟ୍ ମ୍ୟାନ ରୋହିତଙ୍କ ଫଟୋ ତ କିଏ ଧରିଥିଲା ରନ୍ ମେସିନ୍ ବିରାଟଙ୍କ ଫଟୋ । ବୁମ୍ ବୁମ୍ ବୁମରା.. ପାଣ୍ଡ୍ୟା ଓ କୋଚ୍ ରାହୁଲଙ୍କ ନାରାରେ ବି ଗୁଞ୍ଜରିତ ହେଉଥିଲା ଏୟାରପୋର୍ଟ ପରିସର। ବାହାରକୁ ଆସିବା ପରେ ଟି-ଟ୍ବେଣ୍ଟି ଟ୍ରଫି ଦେଖାଇ ଦର୍ଶକଙ୍କ ରୋମାଂଚକୁ ଆହୁରି ବଢାଇ ଦେଇଥିଲେ କ୍ୟାପଟେନ୍ ରୋହିତ ଶର୍ମା।

Published By: Santosh Kumar Sahoo

Last updated: 04 July 2024, 10:33 PM IST