୧୨ ବର୍ଷ ପରେ ପୁଣି କ୍ରିକେଟ୍ ବିଶ୍ୱକପ ଫାଇନାଲରେ ଭାରତ

ପୁରା ଶାନ୍ତ ପଡି ଯାଇଥିଲା ମୁମ୍ବାଇର ୱାଙ୍ଖଡେ ଷ୍ଟାଡିୟମ। କାମ ଦେଉ ନ ଥିଲା ଭାରତୀୟ ବୋଲିଂ। ଧୂଆଁଧାର ବ୍ୟାଟିଂ କରୁଥିଲେ କେନ୍ ୱିଲିୟମସନ୍ ଆଉ ଡେରିଲ ମିଚେଲ୍। ପ୍ରତି ଓଭରରେ ମାରୁଥିଲେ ଚୌକା ଆଉ ଛକ୍କା। ୨୯ତମ ଓଭରରେ ଯଶପ୍ରୀତ ବୁମରାଙ୍କ ବଲରେ ମିଡ୍ ଅନରେ କ୍ୟାଚ୍ ଦେଇଥିଲେ ୱିଲିୟମସନ୍ । ହେଲେ ହାତଛଡ଼ା କରି ଦେଇଥିଲେ ମହମ୍ମଦ ଶାମି । ଆଉ ଏହା ପରେ ଚୁପ୍ ପଡିଯାଇଥିଲେ ଭାରତୀୟ ଦର୍ଶକ । ମିଚେଲ ଓ ୱିଲିୟମସନ୍ ଯେଭଳି ବ୍ୟାଟିଂ କରୁଥିଲେ ଲାଗୁଥିଲା ୨୦୧୯ ସେମିଫାଇନାଲର ପୁନରାବୃତ୍ତି ହେବ । ହେଲେ ୩୩ ତମ ଓଭରରେ ବୋଲିଂ କରିବାକୁ ଆସିଥିଲେ ଶାମି । ଓଭରର ଦ୍ୱିତୀୟ ବଲରେ ୱିଲିୟମସନ୍ ଓ ୪ର୍ଥ ବଲ ଟମ୍ ଲାଥମଙ୍କୁ ଏଲବିଡବ୍ଲୁ ଆଉଟ କରିବା ପରେ ପୁଣି ଫେରିଥିଲା ଫ୍ୟାନଙ୍କ ଜୋସ୍ । ଏହା ପରେ ଫିଲ୍ପପସ ଓ ମିଚେଲ ନ୍ୟୁଜିଲାଣ୍ଡ ପାଇଁ ଆଶା ସଂଚାର କରିଥିଲେ । ତେବେ ବୁମରା ଫିଲଫ୍ସଙ୍କୁ ଆଉଟ କରିବା ପରେ ଆରମ୍ଭ ହୋଇଥିଲା ଶାମି ସୋ’ । ଜଣଙ୍କ ପରେ ଜଣେ ନ୍ୟୁଜିଲାଣ୍ଡ ଖେଳାଳି ଶାମିଙ୍କ ବୋଲିଂର ଶିକାର ହୋଇଥିଲେ।