୨୪ରେ ଓଡ଼ିଶାରେ ଭାଙ୍ଗିବ ଶଙ୍ଖ ଗଡ଼ ! ବିଜେପି ଓ କଂଗ୍ରେସ କରୁଛନ୍ତି ସମରସଜ୍ଜା

ନେତା ଦିଲ୍ଲୀରୁ ଫେରିବା ପରେ ବିଜେପି ଶିବିର ଉତ୍ସାହ। ଟାର୍ଗେଟ ପ୍ରତି ବୁଥରୁ ୫୦ ପ୍ରତିଶତରୁ ଅଧିକ ଭୋଟ୍। ଏଥିଲାଗି କୋଟିଏ ପରିବାର ପାଖରେ ପହଞ୍ଚିବ ରାଜ୍ୟ ବିଜେପି। ସାଧାରଣ ନିର୍ବାଚନକୁ ୪ ମାସ ବାକି ଥିବା ବେଳେ ଦିଲ୍ଲୀ ଯାଇ କେନ୍ଦ୍ରୀୟ ନେତୃତ୍ୱଠାରୁ ଏଇ ମନ୍ତ୍ର ନେଇ ଫେରିଛନ୍ତି ଦଳୀୟ ବିଧାୟକ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଓଡ଼ିଶାରେ ମୋଦିଙ୍କ ବିଶ୍ୱସନୀୟତା ୮୦ ପ୍ରତିଶତରୁ ଅଧିକ। ମୋଦିଙ୍କ କାର୍ଯ୍ୟ ଶୈଳୀର ପ୍ରଭାବ ରାଜ୍ୟ ଭୋଟରଙ୍କ ଉପରେ ନିଶ୍ଚିତ ପଡ଼ିବ। ଅନ୍ୟପକ୍ଷରେ ୫୦ ପ୍ରତିଶତ ଭୋଟ ଲକ୍ଷ୍ୟ ହାସଲ ଲାଗି ବୁଥ୍ ଓ ୱାର୍ଡସ୍ତରରେ ଘରକୁ ଘର ବୁଲିବେ ନେତା ଓ କର୍ମୀ। ବିଧାୟକମାନେ ହଜାରେରୁ ଦୁଇ ହଜାର ଓ ସାଂସଦ ୪ରୁ ୫ ହଜାର ଘରକୁ ବୁଲି ମୋଦିଙ୍କ ବାର୍ତ୍ତା ଦେବାକୁ କୁହାଯାଇଛି। ମଧ୍ୟପ୍ରଦେଶ ଓ ଛତିଶଗଡ଼ ଭଳି ଓଡ଼ିଶାରେ ବି ବିଜେପି ମୋଦି ଗ୍ୟାରେଣ୍ଟି ଷ୍ଟ୍ରାଟେଜି ଆପଣେଇବ ବୋଲି ଦିଲ୍ଲୀରୁ ଫେରି ସୂଚନା ଦେଇଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର।