ବିଜେଡି ଉପରେ ଭୟଙ୍କର ଭାବେ ବର୍ଷିଲେ ସୁଜିତ୍ କୁମାର

ବିଜେପିରେ ମିଶୁ ମିଶୁ ବିଜେଡି ବିରୋଧରେ ସୁଜିତ୍ କୁମାରଙ୍କ ବିଷୋଦଗାର୍ । ଗୋଟି ଗୋଟି କରି ନିଜ ଇସ୍ତଫା ପଛର କାରଣ ବଖାଣି ବିସ୍ଫୋରଣ ବି କଲେ ସୁଜିତ୍ କୁମାର । ଏହି ପୂର୍ବତନ ରାଜ୍ୟସଭା ସାଂସଦ କହିଛନ୍ତି-ବିଜେଡି ସରକାରରେ ହରିଲୁଟ୍ ଚାଲିଥିଲା, ହେଲେ ନେତା କିଛି ଶୁଣୁନଥିଲେ । ଜମି, ପଥର ଖଣି, ଛତୁଆ ଓ ଟେଣ୍ଡର ଫିକ୍ସିଂରେ ହଜାର ହଜାର କୋଟିର ଦୁର୍ନୀତି ଚାଲିଥିଲା । ଜିଲ୍ଲାରୁ ରାଜ୍ୟସ୍ତରର ବହୁ ନେତା ଏବଂ ଅଫିସର ଏଥିରେ ସାମିଲ ଥିଲେ । ଏନେଇ ଦଳ ନେତୃତ୍ବଙ୍କୁ ବହୁବାର ଜଣାଇବାକୁ ଚେଷ୍ଟା କରିଛି, ହେଲେ ବିଫଳ ହୋଇଥିଲି । ତେଣୁ ଶେଷରେ ବାଧ୍ୟ ହୋଇ ଦଳ ଛାଡ଼ିଦେଲି ।