ମହିଳା କଂଗ୍ରେସ କର୍ମୀଙ୍କ ମନରେ ଜୋଶ୍ ଭରିଲେ ଅଳକା ଲାମ୍ବା

ଦମ୍ ଦେଖାଇଲେ, ଜୋଶ୍ ଭରିଲେ। ୨୪ ଭୋଟ୍ ପୂର୍ବରୁ ରାଜଧାନୀରେ ଗର୍ଜିଲା ରାଜ୍ୟ ମହିଳା କଂଗ୍ରେସ। ନେତୃତ୍ୱ ନେଇଥିଲେ ଜାତୀୟ ସଭାନେତ୍ରୀ ଅଳକା ଲାମ୍ବା ଓ ରାଜ୍ୟ ସଭାନେତ୍ରୀ ମିନାକ୍ଷୀ ବାହିନୀପତି। ଶହ ଶହ ମହିଳା କଂଗ୍ରେସ କର୍ମୀ ଓ ନେତ୍ରୀ ଆଜି ରାଜ୍ୟ ସରକାରଙ୍କ ବିରୋଧରେ ପୋଷ୍ଟର-ବ୍ୟାନର ଧରି ନାରାବାଜି ସହ ରାଲିରେ ନବୀନ ନିବାସ ଘେରାଉ ପାଇଁ ଯିବାବେଳେ ପୋଲିସ ସହ ହୋଇଥିଲା ଧସ୍ତାଧସ୍ତି- ମୁହାଁମୁହିଁ। ବ୍ୟାରିକେଡ ଡେଇଁବାକୁ ଉଦ୍ୟତ ମହିଳା କଂଗ୍ରେସ କର୍ମୀଙ୍କୁ ଘଉଡ଼ାଇବାକୁ ନାକେଦମ୍ ହୋଇଥିଲା କମିଶନରେଟ୍ ପୋଲିସ୍। ଶେଷରେ ଅଳକା ଲାମ୍ବାଙ୍କ ସମେତ ଶତାଧିକ ଆନ୍ଦୋଳନକାରୀଙ୍କୁ ପୋଲିସ୍ ଗିରଫ କରିଥିଲା। ସମାବେଶ ଓ ରାଲିରେ ପିସିସି ସଭାପତିଙ୍କ ସହ ଦଳର ତୁଙ୍ଗ ନେତାମାନେ ବି ସାମିଲ ହୋଇଥିଲେ।