ଶାସକ ଦଳର ଅନୁକମ୍ପା ବନାମ ବିରୋଧୀଙ୍କ ଆଇନଶୃଙ୍ଖଳା : ସରଗରମ୍‌ ଝାରସୁଗୁଡ଼ା ରାଜନୀତି

ଖୋଲିନି ରହସ୍ୟ, ମନରୁ ଲିଭିନି ଘଟଣାବଳି। ଏପଟେ କିନ୍ତୁ ଝାରସୁଗୁଡ଼ା ସିଟ୍ ପୂରଣ ଲାଗି ବାଜି ସାରିଛି ବିଗୁଲ । ପୁଣିଥରେ ଉପନିର୍ବାଚନ ପାଇଁ ରଣନୀତି ପ୍ରସ୍ତୁତ କଲେଣି ରାଜନୈତିକ ଦଳ । ହେଲେ ଜାନୁଆରୀ ୨୯ର ସେହି କଳା ଦିନକୁ ଝାରସୁଗୁଡ଼ାବାସୀ ଭୁଲି ପାରୁନାହାଁନ୍ତି। ମନ୍ତ୍ରୀ ନବ ଦାସ ହତ୍ୟାକାଣ୍ଡର ଠିକ୍ ଦୁଇମାସ ପରେ ନାବାଳକ ସମର୍ଥଙ୍କୁ ଅପହରଣ କରି ହତ୍ୟା, ଝାରସୁଗୁଡାବାସୀଙ୍କ ଭିତରେ କୋକୁଆ ଭୟ ସୃଷ୍ଟି କରିଛି। ଏହି ଦୁଇ ଲୋମହର୍ଷଣକାରୀ ଘଟଣା ଏଥର ଉପନିର୍ବାଚନରେ ରାଜନୈତିକ ଦଳ ପାଇଁ ମୁଖ୍ୟ ମୁଦ୍ଦା।