‘ମୁଖ୍ୟମନ୍ତ୍ରୀଙ୍କ ବଦଳରେ ତାଙ୍କ ବ୍ୟକ୍ତିଗତ ସଚିବ ଉତ୍ତର ଦେବାକୁ ବିଧାନସଭା ଆସିପାରନ୍ତି’

ମନ୍ତ୍ରୀଙ୍କ ନାଁରେ ହେଲିକପଟର ବୁକ୍ ହୋଇଛି । ହେଲେ ବୁଲୁଛନ୍ତି ସଚିବ । ଅଭିଯୋଗ ଶୁଣାଣି ପାଇଁ ଲୋକଙ୍କ ପାଖକୁ ସିଏମ୍ଓ ଯାଉଛି ବୋଲି ମୁଖ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ପରେ ବି ବିଧାନସଭାରେ ଥମୁନି 5-T ଝଡ଼ । ଏହି ପ୍ରସଙ୍ଗକୁ ନେଇ ଆଜି ସରକାରଙ୍କୁ ପୁଣି ଘେରିଛନ୍ତି ବିରୋଧୀ । ସଚିବଙ୍କ ଗସ୍ତବେଳେ ଟେଣ୍ଟ ବନ୍ଧା, ଚେୟାର ପକା ଓ ସୁରକ୍ଷା ବ୍ୟବସ୍ଥାରେ କେତେ ଖର୍ଚ୍ଚ ହୋଇଛି ବୋଲି ପ୍ରଶ୍ନ କରିଛନ୍ତି ବିରୋଧୀ ଦଳ ନେତା । କଂଗ୍ରେସ ମଧ୍ୟ ଟଙ୍କା ବାଣ୍ଟିବା ଓ ନିର୍ବାଚନୀ ପ୍ରଚାର କରିବା ସଚିବଙ୍କ ଗସ୍ତର ଉଦ୍ଦେଶ୍ୟ କହି ବର୍ଷିଛି । ଯାହାକୁ ନେଇ ହୁଲସ୍ତୁଲ ହୋଇଛି ବିଧାନସଭା ।