ପଦ୍ମକେଶରୀପୁରରେ କେବେ ଫେରିବ ଶାନ୍ତି ? ମୁଖ୍ୟମନ୍ତ୍ରୀଙ୍କୁ ଅପରାଜିତାଙ୍କ ଚିଠି

ଭୁବନେଶ୍ୱର ପଦ୍ମକେଶରୀପୁରରେ କେବେ ଫେରିବ ଶାନ୍ତି ? କେବେ ସ୍ୱାଭାବିକ ହେବ ଜୀବନ ଯାତ୍ରା ? ହିଂସା ଏବଂ ୧୫୦ରୁ ଅଧିକ ପୁରୁଷ ଓ ମହିଳାଙ୍କ ଗିରଫଦାରୀ ପରଠୁ ଭୟରେ ଥରୁଛନ୍ତି ଗାଁରେ ଥିବା ପିଲାଠୁ ମହିଳା । ଆଜିକୁ ୩ ମାସ ହୋଇଗଲା, ପୋଲିସ ଦେଖିଲେ ସମସ୍ତଙ୍କ ଛାତିରେ ଛନକା ପଶୁଛି । ଏଭଳି ସ୍ଥିତିକୁ ନେଇ ଉଦବେଗ ପ୍ରକାଶ କରିବା ସହ ଗାଁରେ ଶାନ୍ତି ଫେରାଇ ଆଣିବାକୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ । ଆଉ ଅପରାଜିତାଙ୍କ ଏହି ଚିଠି ପରେ ଗାଁରେ ପୋଲିସ ପହଞ୍ଚି ନିର୍ଭୟ ରହିବାକୁ ପ୍ରତିଶ୍ରୁତି ଦେଇଛି ।