ଏଥର ରୋଚକ ହେବ ଜଟଣୀ ପଲିଟିକ୍ସ

ପ୍ରଚାରରେ କମ୍ପୁଛି ଜଟଣୀ ମଇଦାନ। ସମର୍ଥକଙ୍କୁ ଧରି ଚଳାଇଛନ୍ତି କ୍ୟାମ୍ପେନ୍ । ଶକ୍ତି ପ୍ରଦର୍ଶନ କରୁଛନ୍ତି ଜାତୀୟ ଓ ଆଞ୍ଚଳିକ ଦଳର ପ୍ରାର୍ଥୀ । କିନ୍ତୁ ଦୌଡ଼ର ପଛରେ ପଡ଼ି ନାହାଁନ୍ତି ସ୍ବାଧୀନ ପ୍ରାର୍ଥୀ । କିଏ ମୁଠାଏ ମୁଠାଏ ଧାନ ମାଗି ଭିନ୍ନ ତରିକାରେ ଭୋଟ ଭିକ୍ଷା କରୁଛନ୍ତି ତ,  ଆଉ କିଏ ଯୁବ ପ୍ରାର୍ଥୀ କହି ଡୋର ଟୁ ଡୋର ବୁଲି ଆଶୀର୍ବାଦ ନେଇ ନିଜ ପାଇଁ ମାଗୁଛନ୍ତି ଭୋଟ। ଏ ହେଉଛିନ୍ତି ଜଟଣୀ ବିଧାନସଭା ଆସନରୁ ସ୍ବାଧୀନ ପ୍ରାର୍ଥୀ ଭାବେ ଲଢ଼ୁଥିବା ନବନିର୍ମାଣ କୃଷକ ସଂଗଠନର ସଂଗଠକ ଏମ୍ ଡି ମନ୍ୱର୍ ଅଲ୍ଲୀ । ଟ୍ରାକ୍ଟରରେ ବିରାଟ ରାଲି କରି ଭୋଟରଙ୍କ ମନି ଜିଣିବାକୁ ପ୍ରୟାସ କରିଛନ୍ତି। ସେହିଭଳି 
ଯୁବ ସମାଜ ସେବୀ ସୁଜିତ୍ ବଳବନ୍ତରାୟ ପ୍ରଥମଥର ପାଇଁ ଜଟଣୀରୁ ସ୍ବାଧୀନ ଭାବେ ନିର୍ବାଚନ ଲଢ଼ୁଛନ୍ତି । ଦୁଇ ସ୍ବାଧୀନ ପ୍ରାର୍ଥୀ ବେକାରୀ ଓ ଚାଷୀଙ୍କ ସମସ୍ୟାକୁ ମୁଦ୍ଦା କରି ଜଟଣୀ ଗଡ଼ ଜିତିବାକୁ ପ୍ରୟାସ କରିଛନ୍ତି । 

Published By: Santosh Kumar Sahoo

Last updated: 06 May 2024, 10:35 PM IST