ପୌର ନିର୍ବାଚନ ବେଳେ ବି ବିଭିନ୍ନ ସ୍ଥାନରୁ ଆସିଛି ହିଂସା ଓ ଉତ୍ତେଜନାର ମାଳମାଳ ଚିତ୍ର

ପଞ୍ଚାୟତ ଭଳି ପୌର ନିର୍ବାଚନବେଳେ ବି ରାଜ୍ୟର ବିଭିନ୍ନ ସ୍ଥାନରୁ ଆସିଛି ହିଂସା ଓ ଉତ୍ତେଜନାର ମାଳମାଳ ଚିତ୍ର । କେଉଁଠି ବୁଥ୍ ରିଗିଂ ତ କେଉଁଠି ଟଙ୍କା ବଣ୍ଟା ଉଦ୍ୟମ ବେଳେ ହୋଇଛି ଗଣ୍ଡଗୋଳ ସାଙ୍ଗକୁ ମାରପିଟ୍ । ଧାମନଗରରେ ଭୁଜାଲି ମାଡ଼ରେ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ପିପିଲିରେ ଜଣେ ପୋଲିଂ ଏଜେଣ୍ଟଙ୍କୁ ହୋଇଛି ଆକ୍ରମଣ । ଚିକିଟିରେ ନେତାଙ୍କ ଗାଡ଼ି ଭଙ୍ଗାରୁଜା ହୋଇଥିବା ବେଳେ ପାଟଣାଗଡ଼ରେ ବିଧାୟକଙ୍କ ଭାଇଙ୍କୁ ଧୁମ୍ ଛେଚିଛନ୍ତି ଉତ୍ତ୍ୟକ୍ତ ଲୋକେ ।