ନବୀନଙ୍କ ପାଇଁ ଲାଗିଛି ସବୁ ନାଟ ! କଂଗ୍ରେସ ଗାଡ଼ିର ଡ୍ରାଇଭର ସାଜିଛନ୍ତି ବିଜେଡି ସୁପ୍ରିମୋ ?

ନବୀନଙ୍କ ପାଇଁ ଲାଗିଛି ସବୁ ନାଟ ! କଂଗ୍ରେସ ଗାଡ଼ିର ଡ୍ରାଇଭର ସାଜିଛନ୍ତି ବିଜେଡି ସୁପ୍ରିମୋ ? ଗୃହରେ ଗର୍ଜୁଛନ୍ତି, ଗୃହ ବାହାରେ ଏକାଠି ପ୍ରତିବାଦ କରୁଛନ୍ତି । ଅପ୍ରସଙ୍ଗକୁ ନେଇ କମ୍ପାଉଛନ୍ତି ବିଧାନସଭା । ଗୃହ ଆରମ୍ଭରୁ ନାରୀ ସୁରକ୍ଷା ପ୍ରସଙ୍ଗକୁ ମୁଦ୍ଦା କରିଛି କଂଗ୍ରେସ । ଆଉ ସରକାରଙ୍କ ନିକଟରେ ଏସିଏସଟି ସଂରକ୍ଷଣକୁ ନେଇ ଗର୍ଜିଛି ବିଜେଡି । ଦୁଇ ଦଳର ବିଧାୟକ ଗୃହକୁ ହଟ୍ଟଗୋଳ କରି ବାରମ୍ବାର ମୁଲତବି କରାଉଛନ୍ତି । ନାକେଦମ୍‌ ହେଉଛନ୍ତି ସରକାର । କିନ୍ତୁ ବିରୋଧୀ ଦଳ ନେତା ଏଯାଏଁ ଥରୁଟିଏ ନିଜର ମନ୍ତବ୍ୟ ରଖିଲେନି। ବିଜେଡି ବିଧାୟକ ସରକାରଙ୍କୁ ଘେରିଲେ, ହଲ୍ଳାବୋଲ୍‌ କଲେ, ଲଣ୍ଠନ ଲଗାଇ ମୁଖ୍ୟମନ୍ତ୍ରୀଙ୍କୁ ଖୋଜିଲେ । ହେଲେ ନବୀନଙ୍କ ନଥିଲା କୌଣସି ରିଆକ୍ସନ । କେବଳ ବିଜେଡିର ବିଧାୟକମାନେ ରଖିଚାଲିଛନ୍ତି ନିଜ ମତ ।